ന്യൂദല്‍ഹി: കൊറോണ രോഗം സ്ഥിരീകരിച്ച കേന്ദ്ര ആഭ്യന്തര മന്ത്രി അമിത് ഷായ്ക്ക് രോഗമുക്തി ആശംസിച്ച് രാജ്യം. പ്രമുഖ വ്യക്തിത്വങ്ങള്‍ അദേഹത്തിന്റെ രോഗം ഭേദമാകാന്‍ ആശംസകളുമായെത്തി. പാര്‍ട്ടി അധ്യക്ഷന്‍ ജെപി നദ്ദയ്‌ക്കു പുറമേ നേതാക്കളായ രാജ്‌നാഥ് നിതിന്‍ ഗഡ്കരി, അനുരാഗ് താക്കൂര്‍ തുടങ്ങീ കേന്ദ്ര മന്ത്രിമാരും രോഗമുക്തി ആശംസകള്‍ ട്വീറ്റിലൂടെ അറിയിച്ചു.
രാഷ്‌ട്രീയ നേതാക്കള്‍ക്കു പുറമേ സിനിമ കായിക താരങ്ങളും അദേഹത്തിന് പ്രാര്‍ഥനകളുമായെത്തി. കോണ്‍ഗ്രസ് മുന്‍ അധ്യക്ഷന്‍ രാഹുല്‍ ഗാന്ധി, ദല്‍ഹി മുഖ്യമന്ത്രി അരവിന്ദ് കേജ്രിവാള്‍ എന്നിവരും അദേഹത്തിന് സൗഖ്യം നേര്‍ന്നു.
ഇന്ന് വൈകുന്നേരമാണ് അമിത് ഷായ്ക്ക് കൊറോണ സ്ഥിരീകരിച്ചത്. സോഷ്യല്‍ മീഡിയ അക്കൗണ്ടുകളിലൂടെ അദേഹം തന്നെയാണ് ഇക്കാര്യം പുറത്തുവിട്ടത്. താന്‍ ആരോഗ്യവാനായി ഇപ്പോള്‍ ആശുപത്രിയില്‍ ഇരിക്കുന്നുവെന്നും അദേഹം വ്യക്തമാക്കി. പ്രാരംഭലക്ഷണങ്ങള്‍ കണ്ടപ്പോള്‍ തന്നെ പരിശോധിച്ചതായി അദ്ദേഹം പറഞ്ഞു. താനുമായി സമ്പര്‍ക്കം പുലര്‍ത്തിയവര്‍ ക്വാറന്റീനില്‍ പോകണമെന്നും അദ്ദേഹം അഭ്യര്‍ത്ഥിച്ചു.
പ്രതികരിക്കാൻ ഇവിടെ എഴുതുക: