നന്മണ്ട: കോഴിക്കോട് മെഡിക്കല് കോളേജില് ജോലി ചെയ്യുന്ന നന്മണ്ട ഏഴാം വാര്ഡിലെ ആരോഗ്യ പ്രവര്ത്തകയ്ക്ക് കോവിഡ് രോഗം സ്ഥിരീകരിച്ച സാഹചര്യത്തില് ഇവര്ക്കൊപ്പം ബസ്സില് യാത്ര ചെയ്തവര്ക്ക് ആരോഗ്യ വകുപ്പ് ജാഗ്രതാ നിര്ദ്ദേശം നല്കി. ജൂലൈ 19 മുതല് 27 വരെ ഇവര് ബസ്സിലാണ് യാത്ര ചെയ്തത്.
19 മുതല് 25 വരെ ബാലുശ്ശേരി മുക്കില് നിന്ന് ഏതാണ്ട് രാവിലെ 6.30ന് കോഴിക്കോട് മൊഫ്യൂസല് സ്റ്റാന്റിലേക്കും അവിടെ നിന്ന് പെരുമണ്ണ ബസ്സില് കയറി കോഴിക്കോട് മെഡിക്കല് കോളേജിന് സമീപം ഇറങ്ങുകയാണ് പതിവ്. വൈകുന്നേരങ്ങളില് ഏതാണ്ട് നാല് മണിക്ക് മെഡിക്കല് കോളേജ് പരിസരത്ത് നിന്ന് സിറ്റി ബസ്സില് യാത്ര ചെയ്ത് മൊഫ്യൂസല് സ്റ്റാന്റിന് സമീപം ഇറങ്ങി ബാലുശ്ശേരി ഭാഗത്തേക്കുള്ള ബസ്സില് കയറി ബാലുശ്ശേരി മുക്കില് ഇറങ്ങുകയും ചെയ്തിട്ടുണ്ട്.
26 ന് വൈകീട്ട് ഭര്ത്താവിനൊപ്പം കാറില് ജോലി സ്ഥലത്തേക്ക് പോവുകയും 27 ന് രാവിലെ ഏതാണ്ട് ഒന്പത് മണിക്ക് ജോലി കഴിഞ്ഞ് സമാനമായ രീതിയില് ബസ്സ് വഴി പതിനൊന്ന് മണിക്ക് വിട്ടിലെത്തുകയും ചെയ്തു. മേല് പറഞ്ഞ സമയങ്ങളില് ബസ്സ് യാത്ര ചെയ്തവര്ക്ക് ഏതെങ്കിലും തരത്തിലുള്ള രോഗലക്ഷണങ്ങള് ശ്രദ്ധയില് പെട്ടാല് ഉടന് ആരോഗ്യ പ്രവര്ത്തകരുമായി ബന്ധപ്പെടണം.
