കല്പ്പറ്റ: വയനാട് ജില്ലയില് ഇന്നലെ 46 പേര്ക്ക് കൊറോ ണ സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. ആര്.രേണുക അറിയിച്ചു. 44 പേര്ക്ക് സമ്പര്ക്കത്തിലൂടെയാണ് രോഗബാധ. രണ്ട് പേര് ഇതര സംസ്ഥാനങ്ങില് നിന്നു വന്നവരാണ്. 5 പേര് രോഗമുക്തി നേടി.
ഇതോടെ ജില്ലയില് കൊറോണ സ്ഥിരീകരിച്ചവരുടെ ആകെ എണ്ണം 670 ആയി. ഇതില് 318 പേര് രോഗ മുക്തരായി. ഒരാള് മരണപ്പെട്ടു.നിലവില് 351 പേരാണ് ചികിത്സയിലുള്ളത്. ഇതില് 341 പേര് ജില്ലയിലും 10 പേര് ഇതര ജില്ലകളിലും ചികിത്സയില് കഴിയുന്നു. രോഗം സ്ഥിരീകരിച്ചവര്. ഇതര സംസ്ഥാനങ്ങളില് നിന്നെത്തി രോഗം സ്ഥിരീകരിച്ചവര് രണ്ട് പേര്, വാളാട് സമ്പര്ക്കത്തിലൂടെ രോഗം ബാധിച്ചത് മുപ്പത്തി ഒന്ന് പേരാണ്.
ആരോഗ്യ പ്രവര്ത്തകര് മൂന്ന്, ബത്തേരി സമ്പര്ക്കത്തിലൂടെ രോഗം ബാധിച്ചത് ഒരാള്ക്കാണ്, കോഴിക്കോട് മെഡിക്കല് കോളേജില് പോയി വന്നത് അഞ്ച് പേര്, നൂല്പ്പുഴയില് സമ്പര്ക്കം മൂലം രോഗം ബാധിച്ചത് ഒരാള്ക്കാണ്. ഒരു നാര്ക്കോട്ടിക് സെല് ജീവനക്കാരന്, മറ്റുള്ളവര് രണ്ട്. കാര്ഷിക ആവശ്യത്തിനായി ഗുണ്ടല്പേട്ടയില് പോയിവന്ന പൊഴുതന സ്വദേശി, ബാംഗ്ലൂരില് നിന്നും വന്ന എടവക സ്വദേശി, എന്നിവരാണ് ഇതര സംസ്ഥാനങ്ങളില് നിന്നെത്തി രോഗം സ്ഥിരീകരിച്ചവര്.
വാളാട് സ്വദേശികളായ മൂന്ന് കുട്ടികളടക്കം 11 പുരുഷന്മാരും 15 സ്ത്രീകളും, വെള്ളമുണ്ട സ്വദേശികളായ രണ്ടുപേര്, കരിങ്കുറ്റി സ്വദേശികളായ രണ്ടുപേര്, എടവക സ്വദേശി എന്നിവര്ക്കാണ്. നൂല്പ്പുഴ സ്വദേശിയുടെ സമ്പര്ക്കത്തിലുള്ള വടുവഞ്ചാല് സ്വദേശി, കോഴിക്കോട് മെഡിക്കല് കോളേജില് പോയി വന്ന വാരാമ്പറ്റ സ്വദേശികളായ രണ്ട് സ്ത്രീകളും, മൂന്നു പുരുഷന്മാരും, പനമരം സ്വദേശികളായ രണ്ട് ആംബുലന്സ് ഡ്രൈവര്മാര്, കോഴിക്കോട് സ്വകാര്യ ആശുപത്രി ജീവനക്കാരി മുള്ളന്കൊല്ലി സ്വദേശി, ബത്തേരി സ്വകാര്യ സ്ഥാപനത്തിലെ സമ്പര്ക്കത്തില് പെട്ട ചെതലയം സ്വദേശി, നാര്ക്കോട്ടിക് സെല്ലിലെ ജീവനക്കാരനായ വരദൂര് സ്വദേശി, പനി മൂലം ആശുപത്രിയില് ചികിത്സക്കെത്തിയ മാനന്തവാടി സ്വദേശി, തൃശ്ശിലേരി സ്വദേശി എന്നിവരാണ് രോഗം സ്ഥിരീകരിച്ച് ആശുപത്രിയിലായ മറ്റുള്ളവര്. രോഗമുക്തി നേടിയവര് തൊണ്ടര്നാട്, അമ്പലവയല്, ബാവലി, വെള്ളമുണ്ട, കണിയാമ്പറ്റ സ്വദേശികളാണ് ഇന്ന് രോഗമുക്തി നേടിയത്
