നെയ്യാറ്റിന്‍കര: മഹേശ്വരം ശിവപാര്‍വതീ ക്ഷേത്രം തിരുവനന്തപുരം ജില്ലയിലെ ആരോഗ്യപ്രവര്‍ത്തകര്‍ക്കായി നല്‍കിയ പിപിഇ കിറ്റുകള്‍, സാനിറ്റൈസര്‍, മാസ്‌ക് എന്നിവ മഹേശ്വരം ക്ഷേത്ര മഠാധിപതി സ്വാമി മഹേശ്വരാനന്ദ സരസ്വതിയില്‍ നിന്നും മന്ത്രി കടകംപള്ളി സുരേന്ദ്രന്‍ ഏറ്റുവാങ്ങി.
കൊറോണയുടെ ഒന്നാം ഘട്ടത്തില്‍ കമ്യൂണിറ്റി കിച്ചനുകള്‍ക്ക് ആവശ്യമായ പലവ്യഞ്ജനങ്ങളും പച്ചക്കറിയും രണ്ടാം ഘട്ടത്തില്‍ സുരക്ഷാ ഉദ്യോഗസ്ഥര്‍ക്ക് ആവശ്യമായ കുടിവെള്ള പാക്കറ്റുകളും ലഘുഭക്ഷണങ്ങളും മൂന്നാംഘട്ടമായി മാസ്‌കുകളും സാനിറ്റെസര്‍, ഹാന്‍ഡ് വാഷ് എന്നിവയും നല്‍കിയിരുന്നു.
നാലാം ഘട്ടമായാണ് ജില്ലയിലെ ആരോഗ്യപ്രവര്‍ത്തകര്‍ക്ക് വിതരണം ചെയ്യുന്നതിലേക്കായി പിപിഇ കിറ്റുകള്‍ നല്‍കുന്നത്. ക്ഷേത്ര മേല്‍ശാന്തി കുമാര്‍ മഹേശ്വരം, പാറശ്ശാല ബ്ലോക്ക് പ്രസിഡന്റ് സനൂജ തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: