കോഴിക്കോട്: അയോധ്യയില്‍ ശ്രീരാമക്ഷേത്രത്തിന്റെ ഭൂമിപൂജയും ശിലാസ്ഥാപനകര്‍മ്മവും നടക്കുന്ന ആഗസ്റ്റ് അഞ്ച് ദേശാഭിമാനികള്‍ക്ക് ദേശീയ സ്വാഭിമാനദിനമെന്ന് കേരള ക്ഷേത്ര സംരക്ഷണസമിതി. ലോകജനത ഉറ്റുനോക്കുന്ന ഈ മഹനീയ മുഹൂര്‍ത്തത്തില്‍ കേരളത്തിലെ എല്ലാ കുടുംബങ്ങളും മനസാ പങ്കുചേരണമെന്ന് കേരള ക്ഷേത്ര സംരക്ഷണ സമിതി സംസ്ഥാന ജനറല്‍ സെക്രട്ടറി കെ. നാരായണന്‍കുട്ടി പ്രസ്താവനയില്‍ ആവശ്യപ്പെട്ടു.
അഞ്ചിന് വൈകിട്ട് 6.30ന് ക്ഷേത്രങ്ങളും വീടുകളും ദീപാലംകൃതമാക്കി ശ്രീരാമ സ്തുതിയോടെ, രാമക്ഷേത്ര നിര്‍മാണം എത്രയും വേഗം പൂര്‍ത്തിയായി രാഷ്‌ട്രത്തിന് സമര്‍പ്പിക്കാന്‍ പ്രാര്‍ത്ഥിക്കണം. കൊവിഡ് പ്രോട്ടോകോള്‍ പാലിച്ചാവണം ക്ഷേത്രങ്ങളിലും വീടുകളിലും ദീപങ്ങള്‍ തെളിയിക്കേണ്ടത്. രാമരാജ്യ സങ്കല്പം പ്രാവര്‍ത്തികമാക്കാന്‍ നാനാജാതി മതസ്ഥരും പ്രതിജ്ഞയെടുക്കാനും ഈ അവസരം ഉപയോഗപ്പെടുത്തണമെന്നും അദ്ദേഹം പ്രസ്താവനയില്‍ ആവശ്യപ്പെട്ടു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: