നാദാപുരം: വിലങ്ങാട് വളാംതോട് കോളനിയിലെ സിന്ധുവിന്റെ കുടുംബത്തിന് ഉപജീവനമാര്‍ഗ്ഗത്തിനായി തയ്യല്‍ മെഷീന്‍ നല്‍കി ബിജെപി, സേവാഭാരതി പ്രവര്‍ത്തകര്‍. വീട്ടിലെ ശൗചാലയ നിര്‍മാണവും കുട്ടികളുടെ വിദ്യഭ്യാസവും ബിജെപി ഏറ്റെടുത്തു.
ഭൂമാഫിയയും സിപിഎം പ്രാദേശികനേതൃത്വവും തമ്മിലുള്ള ഒത്തുകളിയുടെ ഫലമാണ് ഇവരുടെ ഇന്നത്തെ ദുരിതത്തിന് കാരണമെന്ന് ബിജെപി കുറ്റപ്പെടുത്തി. അടിയന്തരമായി ഇവരുടെ ഭൂമി സംബന്ധമായ പ്രശ്‌നങ്ങള്‍ പരിഹരിക്കാന്‍ ബന്ധപ്പെട്ടവര്‍ തയ്യാറാവണം. അല്ലാത്തപക്ഷം ഈ കുടുംബത്തിന് നീതി കിട്ടുംവരെ ബിജെപിയും എസ്ടി മോര്‍ച്ചയും ശക്തമായ സമരപരിപാടികള്‍ക്ക് നേതൃത്വം നല്‍കുമെന്നു ബിജെപി അറിയിച്ചു.
അടിയന്തരമായി വാണിമേല്‍ പഞ്ചായത്ത് അധികൃതര്‍ ഇവര്‍ക്ക് വീട് അനുവദിക്കാന്‍ തയ്യാറാവണമെന്നും സ്ഥലം സന്ദര്‍ശിച്ച നേതാക്കള്‍ ആവശ്യപ്പെട്ടു. മണ്ഡലം പ്രസിഡന്റ് കെ.കെ. രജ്ഞിത്ത്, എസ്ടി മോര്‍ച്ച ജില്ലാ പ്രസിഡന്റ് എം.സി. അനീഷ്, എസ്ടി മോര്‍ച്ച ജില്ലാ സെക്രട്ടറി എം.കെ. സുരേഷ്, മാമ്പറ്റ ബാലന്‍ എന്നിവര്‍ പറഞ്ഞു.
പ്രതികരിക്കാൻ ഇവിടെ എഴുതുക: