കൊയിലാണ്ടി: കൊയിലാണ്ടിയിലെ ജ്വല്ലറിയില് മോഷണം. എന്നാല് മോഷ്ടാക്കള്ക്ക് കാര്യമായതൊന്നും ലഭിച്ചില്ല. ദേശീയപാതയിലെ മഹാരാഷ്ട്ര സ്വദേശി ഇമ്മത്ത് സേട്ടുവിന്റെ സന്തോഷ് ജ്വല്ലറിയിലാണ് മോഷണം.
സമീപത്തെ മോഹന് ബുക്ക് ഡിപ്പോ എന്ന കടയുടെ ചുമര് കുത്തി തുരന്നാണ് മോഷ്ടാക്കള് ജ്വല്ലറിക്കകത്ത് കടന്നത്. എന്നാല് സ്വര്ണ്ണം സൂക്ഷിച്ച ലോക്കര് മോഷ്ടക്കള്ക്ക് തുറക്കാന് കഴിഞ്ഞില്ല. കടയിലെ മേശയിലുണ്ടായിരുന്ന മുക്കാല് പവനോളം വരുന്ന സ്വര്ണ്ണം മാത്രമാണ് മോഷ്ടാക്കള്ക്ക് ലഭിച്ചത്.
ഇന്നലെ രാവിലെ 11 മണിയോടെയാണ് മോഷണം പുറത്ത് അറിയുന്നത്. പോലീസും വിരലടയാള വിദഗ്ദ്ധരും എത്തി പരിശോധന നടത്തി.
