തൃശൂര്‍: കൊറോണ പ്രതിരോധ പ്രവര്‍ത്തനങ്ങളില്‍ സ്വന്തം ജീവന്‍ പണയം വച്ച് പ്രവര്‍ത്തിക്കുന്ന ആരോഗ്യ പ്രവര്‍ത്തകരുടെ സംരക്ഷണത്തില്‍ സര്‍ക്കാര്‍ തികഞ്ഞ അനാസ്ഥയാണ് കാണിക്കുന്നതെന്ന് ബിജെപി സംസ്ഥാന സെക്രട്ടറി എ. നാഗേഷ് പറഞ്ഞു. ആവശ്യമായ വിശ്രമം പോലുമില്ലാതെ മാസങ്ങളായി ജോലി ചെയ്യുകയാണ് ഇവര്‍. ഇപ്പോള്‍ രോഗ ബാധിതരായ ഡോക്ടര്‍മാര്‍ ഉള്‍പ്പടെയഉള്ള ആരോഗ്യ പ്രവര്‍ത്തകരെ ഉപയോഗിച്ച് ഫസ്റ്റ് ലൈന്‍ ട്രീറ്റ്‌മെന്റ് സെന്റര്‍ ആരംഭിക്കാനുള്ള നീക്കം പ്രശ്‌നങ്ങള്‍ കൂടുതല്‍ സങ്കീര്‍ണമാക്കും.
രോഗ പ്രതിരോധ പ്രവര്‍ത്തനങ്ങളില്‍ കേരളം മാതൃകയാണെന്ന് പറഞ്ഞത് വീമ്പു പറച്ചില്‍ മാത്രമാണെന്ന് തെളിഞ്ഞിരിക്കുകയാണ്. എത് പ്രതിസന്ധിഘട്ടങ്ങളിലും സേവനസന്നദ്ധരായി നില്‍ക്കുന്ന സന്നദ്ധപ്രവര്‍ത്തകരെ പോലും ഒഴിവാക്കി തങ്ങളുടെ പാര്‍ട്ടിക്കാരെ ഇത്തരം പ്രതിരോധ പ്രവര്‍ത്തന കമ്മിറ്റികളില്‍ തിരുകി കയറ്റിയെങ്കിലും അവര്‍ ആരും തിരിഞ്ഞ് നോക്കാത്ത അവസ്ഥയാണ് നിലനില്‍ക്കുന്നതെന്നും പ്രസ്താവനയില്‍ നാഗേഷ് കുറ്റപ്പെടുത്തി.
പ്രതികരിക്കാൻ ഇവിടെ എഴുതുക: