തൃശൂര്‍: ഡ്യൂട്ടിക്കിടയില്‍ കൊറോണ ബാധിച്ച് ചികിത്സയിലായിരുന്ന സഹപ്രവര്‍ത്തകന്‍ രോഗവിമുക്തനായി തിരികെ ജോലിക്കെത്തിയപ്പോള്‍ പൂച്ചെണ്ട് സല്യൂട്ട് ആക്കി വരവേറ്റ് പോലീസ് സേന. ഔദ്യോഗിക ഡ്യൂട്ടിക്കിടെ കോറോണ പോസിറ്റീവ് ആയി റിപ്പോര്‍ട്ട് ചെയ്ത് ചികിത്സയില്‍ കഴിഞ്ഞ സിവില്‍ പോലീസ് ഓഫീസര്‍ ജിഷ്ണു ആത്മധൈര്യത്തോടെ മഹാമാരിയെ പരാജയപ്പെടുത്തിയാണ് വീണ്ടും ജോലിയില്‍ പ്രവേശിച്ചത്.
ജില്ലാ സായുധ സേന ആസ്ഥാനത്തെത്തിയ ജിഷ്ണുവിനെ കേരള പോലീസ് അസോസിയേഷന്‍ തൃശൂര്‍ സിറ്റിയുടെ നേതൃത്വത്തില്‍ വരവേറ്റു. ജില്ലാ സായുധസേന അസി.കമ്മാണ്ടന്റ് എം.എം ബാബു ഉപഹാരം നല്‍കി സ്വീകരിച്ചു. അസി.കമ്മാണ്ടന്റ് സന്തോഷ് കുമാര്‍, റിസര്‍വ് ഇന്‍സ്പെക്ടര്‍ വിനോദ്കുമാര്‍, പോലീസ് അസോസിയേഷന്‍ ജില്ലാ പ്രസിഡന്റ് സുനില്‍, സംസ്ഥാന നിര്‍വ്വാഹക സമിതി അംഗം എം.സി ബിജു, അസോസിയേഷന്‍ പ്രതിനിധികളായ വിനോദ്, വിനീഷ് ഭരതന്‍, മുഹമ്മദ് ഷഫീക് അവിന്‍കുമാര്‍, ഉണ്ണികൃഷ്ണന്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: