പയ്യന്നൂർ: സമാധാനാന്തരീക്ഷം നിലനിൽക്കുന്ന പയ്യന്നൂരിൽ പ്രശ്നങ്ങൾ ഉണ്ടാക്കാനുള്ള സി.പി.എം ശ്രമങ്ങൾ അവസാനിപ്പിക്കുന്നില്ല.കോറോം ആലക്കാട്ട് താമസിക്കുന്ന രാഷ്‌ട്രീയ സ്വയം സേവക സംഘം പയ്യന്നൂർ ഖണ്ഡ് കാര്യവാഹ് പി.ബിജുവിന്റെ വീടിനു നേരെ കഴിഞ്ഞ ദിവസം രാത്രിയിൽ വാഹനങ്ങളിൽ എത്തിയ ക്രിമിനൽ സംഘം ബോംബേറ് നടത്തി .
പിഞ്ചു കുട്ടികളോടൊപ്പം കുടുംബം ഉറങ്ങിക്കിടന്ന മുറിയെ ലക്ഷ്യമാക്കി എറിഞ്ഞ മാരകശക്തിയുള്ള സ്റ്റീൽബോംബ് സമീപത്തെ തെങ്ങിൽ തട്ടി പൊട്ടിത്തെറിക്കുകയായിരുന്നു – അതിനാൽ വൻ ദുരന്തം ഒഴിവായി. സംഭവം അറിഞ്ഞ് എത്തിയ പയ്യന്നൂർ പോലീസ് സംഘം പൊട്ടാതെ കിടന്ന മറ്റൊരു സ്റ്റീൽ ബോംബ് കൂടി വീട്ടുമുറ്റത്തു നിന്ന് കണ്ടെടുത്തു.. ബിജെപി കണ്ണൂർ ജില്ലാ പ്രസിഡന്റ് എൻ.ഹരിദാസ് സംഭവസ്ഥലം സന്ദർശിച്ചു .
നാട്ടിൽ സ്വൈര്യ ജീവിതം ആഗ്രഹിക്കുന്ന എല്ലാവരും തന്നെ പൈശാചികമായ ഇത്തരം പ്രവൃത്തികളെ അപലപിക്കണമെന്ന് ബിജെപി, ആർഎസ്എസ് നേതാക്കൾ അഭ്യർത്ഥിച്ചു.ആർഎസ്എസ് നേതാക്കളായ എം.തമ്പാൻ, പി.വി.രാജേഷ്, സി.വി.തമ്പാൻ, കരുണാകരൻ ബി.ജെ.പി നേതാക്കളായ എം.പി.രവീന്ദ്രൻ ,പി.കുമാരൻ,പ്രകാശൻ കോറോം തുടങ്ങിയവർ പ്രസിഡന്റിനോടൊപ്പം ഉണ്ടായിരുന്നു.
പ്രശ്നങ്ങൾ ഉണ്ടാക്കി ക്രമസമാധാനം തകർക്കാൻ ലക്ഷ്യം വെച്ച് നീങ്ങുന്ന ഒരു കൂട്ടം സമൂഹ വിരുദ്ധ ശക്തികളെ നാട്ടുകാർ തിരിച്ചറിയണമെന്നും അവർക്ക് മൂക്കുകയറിട്ട് ജനങ്ങളുടെ സ്വത്തും ജീവനും സംരക്ഷിക്കാൻ ക്രമസമാധാനപാലകർ എത്രയും വേഗം തയ്യാറാകണമെന്നും നേതാക്കൾ ആവശ്യപ്പെട്ടു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: