കണ്ണൂര്: ജില്ലയില് 19 പേര്ക്ക് ഇന്നല ) കോവിഡ് ബാധ സ്ഥിരീകരിച്ചു. ഇവരില് അഞ്ചു പേര് വിദേശ രാജ്യങ്ങളില് നിന്നും ഒന്പത് പേര് ഇതര സംസ്ഥാനങ്ങളില് നിന്നും എത്തിയവരാണ്. ഡിഎസ്സി ഉദ്യോഗസ്ഥരായ നാല് പേര്ക്കും സമ്പര്ക്കം മൂലം ഒരാള്ക്കും രോഗം സ്ഥിരീകരിച്ചു. കണ്ണൂര് ഗവ. മെഡിക്കല് കോളേജില് ചികിത്സയിലായിരുന്ന ഒരാള് രോഗമുക്തനായി.
കരിപ്പൂര് വിമാനത്താവളം വഴി ജൂണ് 19ന് ഷാര്ജയില് നിന്ന് ജി9 456 വിമാനത്തിലെത്തിയ കോടിയേരി സ്വദേശി 50കാരന്, 25ന് ഷാര്ജയില് നിന്ന് ജി9 454 വിമാനത്തില് എത്തിയ മുണ്ടേരി സ്വദേശി 40കാരന്, ജൂലൈ മൂന്നിന് സൗദി അറേബ്യയില് നിന്ന് എസ്ജി 9557 വിമാനത്തിലെത്തിയ ചൊക്ലി സ്വദേശി 60കാരന്, ജൂലൈ 10ന് ദമാമില് നിന്ന് എസ്വി 3892 വിമാനത്തിലെത്തിയ പടിയൂര് സ്വദേശി 43കാരന്, കണ്ണൂര് വിമാനത്താവളം വഴി ജൂണ് 27ന് ഷാര്ജയില് നിന്ന് ജി9 0699 വിമാനത്തില് എത്തിയ മുണ്ടേരി സ്വദേശി 30കാരന് എന്നിവരാണ് വിദേശത്ത് നിന്നെത്തിയവര്.
ബെംഗളൂരുവില് നിന്ന് ജൂണ് 24ന് എത്തിയ ചിറക്കല് സ്വദേശി 32കാരന്, 30ന് എത്തിയ ചെമ്പിലോട് സ്വദേശി 29കാരി, ജൂലൈ അഞ്ചിന് എത്തിയ തൃപ്പങ്ങോട്ടൂര് സ്വദേശികളായ 28കാരി, 12 വയസുകാരി, ഒരു വയസുകാരന്, ജൂലൈ 8ന് എത്തിയ കൂത്തുപറമ്പ് സ്വദേശി 45കാരന്, ഹൈദരാബാദില് നിന്ന് കണ്ണൂര് വിമാനത്താവളം വഴി ജൂലൈ 1ന് 6ഇ 7225 വിമാനത്തിലെത്തിയ വേങ്ങാട് സ്വദേശികളായ 19കാരി, 16കാരന്, അഹമ്മദാബാദില് നിന്ന് ജൂണ് 27ന് എത്തിയ പാനൂര് സ്വദേശി 39കാരന് എന്നിവരാണ് ഇതര സംസ്ഥാനങ്ങളില് നിന്നെത്തിയവര്.
ഉത്തരാഖണ്ഡ് സ്വദേശികളായ രണ്ട് പേര്, കൊല്ലം സ്വദേശി, ബീഹാര് സ്വദേശി എന്നിവരാണ് പുതുതായി രോഗം സ്ഥിരീകരിച്ച ഡിഎസ്സി ഉദ്യോഗസ്ഥര്. കുന്നോത്ത്പറമ്പ് സ്വദേശി 70കാരനാണ് സമ്പര്ക്കം മൂലം രോഗം സ്ഥിരീകരിച്ചത്.
ഇതോടെ ജില്ലയില് കോവിഡ് ബാധിതരുടെ എണ്ണം 687ആയി. ഇവരില് 376 പേര് രോഗം ഭേദമായി ആശുപത്രി വിട്ടു. കണ്ണൂര് ഗവ. മെഡിക്കല് കോളേജില് ചികിത്സയിലായിരുന്ന ചെമ്പിലോട് സ്വദേശി 63കാരനാണ് ഇന്നലെ രോഗം ഭേദമായി വീട്ടിലേക്ക് മടങ്ങിയത്.
കോവിഡ് 19മായി ബന്ധപ്പെട്ട് ജില്ലയില് നിലവില് നിരീക്ഷണത്തിലുള്ളത് 25050 പേരാണ്. ഇവരില് കണ്ണൂര് ഗവ. മെഡിക്കല് കോളേജ് ആശുപത്രിയില് 65 പേരും കണ്ണൂര് ജില്ലാ ആശുപത്രിയില് 18 പേരും അഞ്ചരക്കണ്ടി കോവിഡ് ട്രീറ്റ്മെന്റ് സെന്ററില് 276 പേരും തലശ്ശേരി ജനറല് ആശുപത്രിയില് 44 പേരും കണ്ണൂര് ആര്മി ഹോസ്പിറ്റലില് 25 പേരും ഫസ്റ്റ് ലൈന് കോവിഡ് ട്രീറ്റ്മെന്റ് സെന്ററില് ഒരാളും വീടുകളില് 24619 പേരുമാണ് നിരീക്ഷണത്തിലുള്ളത്.
ജില്ലയില് നിന്ന് ഇതുവരെ 18075 സാംപിളുകള് പരിശോധനയ്ക്ക് അയച്ചതില് 17315 എണ്ണത്തിന്റെ ഫലം വന്നു. ഇതില് 16171 എണ്ണം നെഗറ്റീവാണ്. 760 എണ്ണത്തിന്റെ ഫലം ലഭിക്കാനുണ്ട്.
പുതുതായി കോവിഡ് ബാധ റിപ്പോര്ട്ട് ചെയ്യപ്പെട്ടതിനെ തുടര്ന്ന് ജില്ലയിലെ ഏഴ് തദ്ദേശ സ്വയംഭരണ വാര്ഡുകള് കൂടി കണ്ടെയിന്മെന്റ് സോണുകളായി ജില്ലാ കലക്ടര് പ്രഖ്യാപിച്ചു. ചിറക്കല്-5, മുണ്ടേരി-4, ചൊക്ലി-1, പാനൂര്-9, കൂത്തുപറമ്പ-15, തലശ്ശേരി-23 എന്നീ വാര്ഡുകളാണ് പുതുതായി കണ്ടെയിന്മെന്റ് സോണുകളായത്. ഇവിടങ്ങളില് വിദേശ രാജ്യങ്ങളില് നിന്നും ഇതര സംസ്ഥാനങ്ങളില് നിന്നും എത്തിയവര്ക്കാണ് കൊവിഡ് ബാധയെന്നതിനാല് രോഗികളുടെ വീട് കേന്ദ്രമാക്കി 100 മീറ്റര് ചുറ്റളവില് വരുന്ന പ്രദേശങ്ങളാണ് കണ്ടെയിന്മെന്റ് സോണുകളാക്കുക. ഇതിനു പുറമെ, സമ്പര്ക്കം മൂലം കൊവിഡ് ബാധ റിപ്പോര്ട്ട് ചെയ്യപ്പെട്ട കുന്നോത്ത്പറമ്പ് പഞ്ചായത്തിലെ 10-ാം വാര്ഡ് പൂര്ണമായും അടിച്ചിടാനും ജില്ലാ കലക്ടര് ഉത്തരവിട്ടു.
അതേസമയം, നേരത്തേ കണ്ടെയിന്മെന്റ് സോണുകളായിരുന്ന കണ്ണൂര് കോര്പ്പറേഷനിലെ 20, 42, 48, 51, 52 ഡിവിഷനുകളും ആലക്കോട്-5, ചെറുകുന്ന്-1, ചിറക്കല്-23, ഇരിക്കൂര്-2, കടമ്പൂര്-3, കടന്നപ്പള്ളി പാണപ്പുഴ-7,10, കരിവെള്ളൂര് പെരളം-4, കോളയാട്-5,6, കൂത്തുപറമ്പ-14,22,25, കൊട്ടിയൂര്-11, കുറുമാത്തൂര്-2,10, മാടായി-7, മൊകേരി-5, മുണ്ടേരി-11, പാപ്പിനിശ്ശേരി-16, പയ്യന്നൂര്-31, പെരളശ്ശേരി-12, പെരിങ്ങോം വയക്കര-7, തലശ്ശേരി-24, 26, തില്ലങ്കേരി-10, മാലൂര്-3,12, എന്നീ വാര്ഡുകളും കണ്ടെയിന്മെന്റ് സോണ് നിയന്ത്രണങ്ങളില് നിന്ന് ഒഴിവാക്കി.
ജന്മഭൂമി ഓണ്ലൈന്