കുടയത്തൂര്‍: സിവില്‍ സപ്ലെസ് ഉദ്യോഗസ്ഥര്‍ നടത്തിയ പരിശോധനയില്‍ ക്രമക്കേട് കണ്ടെത്തിയതിനെ തുടര്‍ന്ന് 2 റേഷന്‍ കടകള്‍ സസ്‌പെന്‍ഡ് ചെയ്തു. കുടയത്തൂര്‍ ജങ്ഷന് സമീപം പ്രവര്‍ത്തിക്കുന്ന സി.ജി.അനില്‍കുമാറിന്റെ പേരിലുള്ള 113 നമ്പരിലുള്ള റേഷന്‍ കടയും കൂവപ്പള്ളിയില്‍ പ്രവര്‍ത്തിക്കുന്ന 41 നമ്പരിലുള്ള റേഷന്‍ കടയുമാണ് സസ്‌പെന്‍ഡ് ചെയ്തത്. കൂവപ്പള്ളിയില്‍ പ്രവര്‍ത്തിച്ചിരുന്ന റേഷന്‍ കട നേരത്തെ നടത്തിയിരുന്ന ആള്‍ ലൈസന്‍സ് ഒഴിവായതിനെ തുടര്‍ന്ന് അനില്‍കുമാര്‍ ഏറ്റെടുത്ത് നടത്തുകയായിരുന്നു.
ഈ കടയില്‍ നടത്തിയ പരിശോധനയിലാണ് ക്രമക്കേട് കണ്ടെത്തിയത്. ഇതോടെ അനില്‍കുമാറിന്റെ പേരിലുള്ള കുടയത്തൂര്‍ ജങ്ഷന് സമീപമുള്ള 113 നമ്പരിലുള്ള കടയും സസ്‌പെന്‍ഡ് ചെയ്യുകയായിരുന്നു. രണ്ട് കടയിലുമുള്ള കാര്‍ഡുകള്‍ സമീപത്തെ കടയിലേക്ക് അറ്റാച്ച് ചെയ്തതായി താലൂക്ക് സപ്ലെ ഓഫീസര്‍ പറഞ്ഞു. കൊറോണ കാലഘട്ടത്തില്‍ താലൂക്കില്‍ നേരത്തെ 9 റേഷന്‍ കടകള്‍ സസ്‌പെന്‍ഡ് ചെയ്തിരുന്നു. ഇതോടെ സസ്‌പെന്‍ഡ് ചെയ്ത കടകളുടെ എണ്ണം 11 ആയി.
പ്രതികരിക്കാൻ ഇവിടെ എഴുതുക: