മലയാള സിനിമ പുതിയൊരു ചരിത്രം രചിച്ച് ജയസൂര്യയും ബോളിവുഡ് താരം അതിഥി റാവു ഹൈദരിയും പ്രധാനകഥാപാത്രങ്ങളായെത്തുന്ന ‘സൂഫിയും സുജാതയും’ ഇന്ന് അര്‍ധരാത്രി റിലീസ് ചെയ്യും. ഫ്രൈഡേ ഫിലിം ഹൗസിന്റെ ബാനറില്‍ വിജയ് ബാബു ഒരുക്കുന്ന ചിത്രം ആമസോണ്‍ പ്രൈമിലാണ് റിലീസ് ചെയ്യുന്നത്. നരണിപ്പുഴ ഷാനവാസാണ് സിനിമ സംവിധാനം ചെയ്യുന്നത്. കൊറോണ വൈറസ് പിടിമുറുക്കിയതോടെ തിയറ്ററുകളിലൂടെ സിനിമകള്‍ റിലീസ് ചെയ്യാന്‍ സാധിച്ചിരുന്നില്ല. തുടര്‍ന്നാണ് ആമസോണ്‍ പ്രൈമില്‍ സിനിമ റലീസ് ചെയ്യാന്‍ തീരുമാനിച്ചത്. മലയാളത്തില്‍ ആദ്യത്തെ ഡിജിറ്റല്‍ റിലീസാണ് ഇന്നു നടക്കുന്നത്.
ആമസോണ്‍ പ്രൈമില്‍ അക്കൗണ്ട് ഉള്ളവര്‍ക്ക് ചിത്രം ഇന്ന് അര്‍ധരാത്രി 12 മണി മുതല്‍ കാണാം. പ്രൈം മെമ്പര്‍ഷിപ്പ് ആദ്യമായി എടുക്കുന്നവര്‍ക്ക് ഒരുമാസം സ്ട്രീമിംഗ് സൗജന്യമാണ്. ഒരുമാസത്തേക്ക് 129 രൂപയാണ് പ്രൈം സ്ട്രീമിംഗിന് ഈടാക്കുക. ഒരു വര്‍ഷത്തേക്ക് 999 രൂപയുടെ പാക്കേജും ലഭ്യമാണ്. സംഗീതസാന്ദ്രമായ ഈ പ്രണയചിത്രത്തില്‍ സംസാരശേഷിയില്ലാത്ത ഒരു പെണ്‍കുട്ടിയായാണ് അതിഥിയെത്തുന്നത്.
പ്രതികരിക്കാൻ ഇവിടെ എഴുതുക: