ചവറ: ചവറ തെക്കുംഭാഗത്ത് കുത്തേറ്റ് യുവാവ് മരിച്ചു. തെക്കുംഭാഗം മാലിഭാഗം കടയില്‍ വീട്ടില്‍ താമസിച്ചു വരുന്ന ബിജു(43) ആണ് മരിച്ചത്. ഇയാള്‍ക്കൊപ്പം താമസിച്ചു വരുന്ന ശ്യാം അലക്‌സാണ് ബിജുവിനെ കുത്തിയതെന്ന് പോലീസ് പറഞ്ഞു. ഇന്നലെ രാത്രി എട്ടോടെയായിരുന്നു സംഭവം. മദ്യപാനത്തിനിടെ ഉണ്ടായ വാക്കേറ്റത്തിലാണ് ബിജുവിന് കുത്തേറ്റത്.
പരിക്ക് ഗുരുതരമായതിനെ തുടര്‍ന്ന് ജില്ലാ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. ബിജുവിന്റെ ശരീരത്തില്‍ നാല് കുത്ത് ഏറ്റിട്ടുണ്ട്. വയറ്റിലും നെഞ്ചിലുമാണ് കുത്തേറ്റത്. മരിച്ച ബിജുവും അമ്മയും ശ്യാം അലക്‌സിന്റെയും ഇയാളുടെ അച്ഛനോടൊപ്പം ഒരു വീട്ടില്‍ തന്നെ താമസിച്ചു വരികയായിരുന്നുവെന്ന് പോലീസ് പറഞ്ഞു. സംഭവവുമായി ബന്ധപ്പെട്ട് ശ്യാം അലക്‌സി(32)നെ ചവറ തെക്കുംഭാഗം സര്‍ക്കിള്‍ ഇന്‍സ്‌പെക്ടര്‍ രാജേഷ് കുമാര്‍ കസ്റ്റഡിയില്‍ എടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: