ഇരിട്ടി: മരിച്ച വിധവയുടെ സാമൂഹ്യപെന്‍ഷന്‍ വ്യാജ ഒപ്പിട്ട് വാങ്ങിയ സംഭവത്തില്‍ മഹിളാ അസ്സോസ്സിയേഷന്‍ നേതാവ് സ്വപനക്കെതിരെ ജാമ്യമില്ലാ വകുപ്പ് പ്രകാരം കേസ്സെടുത്തിട്ടും അറസ്റ്റ് ചെയ്യാതെ പോലീസ്. സ്വപ്‌ന പായം പഞ്ചായത്ത് പ്രസിഡണ്ടിന്റെ ഭാര്യയാണെന്നതും മന്ത്രി കെ.കെ. ശൈലജയുടെ അടുത്ത ബന്ധുവാണെന്നതും സിപിഎമ്മിലെ ഉന്നതരുമായുള്ള ബന്ധവുമാവാം അറസ്റ്റ് നീണ്ടുപോകുന്നതിന് കാരണമെന്നാണ് പറയപ്പെടുന്നത്.
അതേസമയം ഏതുവിധേനയും മുന്‍കൂര്‍ ജാമ്യം നേടാനുള്ള ശ്രമവും തകൃതിയായി നടക്കുന്നതായാണ് അറിയുന്നത്. ജാമ്യം ലഭിക്കാത്ത വകുപ്പ് ചേര്‍ത്താണ് കേസെടുത്തിരിക്കുന്നത്. അറസ്റ്റ് നീണ്ടുപോവുകയാണെങ്കില്‍ പോലീസ് സ്റ്റേഷന്‍ മാര്‍ച്ച് അടക്കമുള്ള സമരമുറകളുമായി മുന്നോട്ടു പോകാനാണ് സംഭവം പുറത്ത് കൊണ്ടുവന്ന ബിജെപി യുടെ തീരുമാനം.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: