ഇടുക്കി: കുട്ടികളുടെ അശ്ലീല ചിത്രങ്ങള്‍ നവമാധ്യമങ്ങളിലൂടെ പ്രചരിപ്പിച്ചതിന് യുവഡോക്ടര്‍ ഉള്‍പ്പെടെ രണ്ട് പേര്‍ റിമാന്‍ഡില്‍. പത്തനംതിട്ട തിരുവല്ല സ്വദേശിയും ഹൈറേഞ്ചിലെ ഒരു ആരോഗ്യകേന്ദ്രത്തിലെ ഡോക്ടറുമായ വിജിത്ത്(31), കോട്ടയം പിഴക് മാനത്തൂര്‍ സ്വദേശിയായ ടിനു തോമസ്(23) എന്നിവരാണ് രണ്ടിടങ്ങളിലായി പിടിയിലായത്. തൊടുപുഴ, തങ്കമണി പോലീസാണ് ഇരുവരേയും പിടികൂടിയത്. ജില്ലാ പൊലീസ് മേധാവി ആര്‍. കറുപ്പസ്വാമിയുടെ നേതൃത്വത്തില്‍ ഇതിനെതിരെ ജില്ലയിലെമ്പാടും ആരംഭിച്ച പി. ഹണ്ട് ഓപ്പറേഷനിലാണ് പ്രതികള്‍ കുടങ്ങിയത്.
രണ്ടുപേരെയും പോലീസ് സൈബര്‍ സെല്‍ നിരീക്ഷിച്ചുവരുകയായിരുന്നു. ഇവരില്‍ നിന്ന് അശ്ലീല വീഡിയോകളും ചിത്രങ്ങളും ഇവ സൂക്ഷിച്ചിരുന്ന മൊബൈല്‍ ഫോണ്‍, ലാപ്ടോപ്പ്, ഹാര്‍ഡ് ഡിസ്‌ക്, പെന്‍ഡ്രൈവുകള്‍ എന്നിവയും പിടിച്ചെടുത്തു. സംഭവത്തില്‍ കൂടുതല്‍ പേര്‍ ഉള്‍പ്പെട്ടിട്ടുണ്ട്. വിശദമായ അന്വേഷണം നടന്ന് വരികയാണ്.
പ്രതികരിക്കാൻ ഇവിടെ എഴുതുക: