തിരുവനന്തപുരം: ദേശീയ വൈദ്യുതി സുരക്ഷാദിനത്തോടനുബന്ധിച്ച് കെഎസ്ഇബി ഓഫീസുകളില് വൈദ്യുതി സുരക്ഷയുമായി ബന്ധപ്പെട്ട് ബോധവല്ക്കരണപരിപാടികള് സംഘടിപ്പിച്ചു. വൈദ്യുതി ഭവനിലും കെഎസ്ഇബി യുടെ മറ്റു ഓഫീസുകളിലും വൈദ്യുതി സുരക്ഷാ പ്രതിജ്ഞ എടുത്തു.
ഇതോടനുബന്ധിച്ച് വൈദ്യുതി സുരക്ഷാവാരാചരണത്തിനും തുടക്കമായി. സെന്ട്രല് ഇലക്ട്രിസിറ്റി അതോറിറ്റിയും നാഷണല് സേഫ്റ്റി കൗണ്സിലും സംയുക്തമായാണ് സുരക്ഷാവാരാചരണത്തിന് ആഹ്വാനം ചെയ്തിരിക്കുന്നത്.
