ലണ്ടന്‍: ഹാരി കെയ്‌നിന്റെ മികവില്‍ വെസ്റ്റ് ഹാമിനെ തോല്‍പ്പിച്ച് ടോട്ടനം ചാമ്പ്യന്‍സ് ലീഗ് പ്രതീക്ഷ കാത്തു. പ്രീമിയര്‍ ലീഗ് മത്സരത്തില്‍ ഏകപക്ഷീയമായ രണ്ട് ഗോളുകള്‍ക്കാണ് ടോട്ടനം വെസ്റ്റ് ഹാമിനെ തകര്‍ത്തുവിട്ടത്. ഈ വിജയത്തോടെ മുപ്പത്തിയൊന്ന മത്സരങ്ങളില്‍ 45 പോയിന്റുമായി ടോട്ടനം ഏഴാം സ്ഥാനത്തെത്തി.
കളം നിറഞ്ഞുകളിച്ച ഹാരി കെയ്‌നാണ് ടോട്ടനത്തിന്റെ വിജയശില്‍പ്പി. കെയ്ന്‍ ഒരു ഗോളും നേടി. ഒരു ഗോള്‍ വെസ്റ്റ് ഹാമിന്റെ സംഭാവനയായിരുന്നു.
ജോസ് മൗറീഞ്ഞോയുടെ ടോട്ടനം മികച്ച കളിയാണ് പുറത്തെടുത്തത്. ഫെബ്രവുരിക്കുശേഷം ടോട്ടനത്തിന്റെ ആദ്യ വിജയമാണിത്.
രണ്ടാം പകുതിയിലാണ് രണ്ട് ഗോളുകളും പിറന്നത്. അറുപത്തിനാലാം മിനിറ്റില്‍ വെസ്റ്റ് ഹാം സെല്‍ഫ് ഗോള്‍ വഴങ്ങി. വെസ്റ്റ് ഹാം താരം സൗസെക്കിന്റെ ബൂട്ടില്‍ നിന്നാണ് സ്വന്തം പോസ്റ്റില്‍ പന്ത് കയറിയത്. കളിയവസാനിക്കാന്‍ എട്ട് മിനിറ്റ് ശേഷിക്കെ ടോട്ടനം രണ്ടാം ഗോള്‍ നേടി. ഹാരി കെയ്‌നാണ് ലക്ഷ്യം കണ്ടത്.
പ്രതികരിക്കാൻ ഇവിടെ എഴുതുക: