പുനലൂര്‍: പച്ചക്കറി കയറ്റിയ പിക്അപ്പില്‍ ഒളിച്ചുകടത്തിയ പത്ത് ചാക്ക് നിരോധിത പുകയില ഉത്പന്നവുമായി നാലുപേരെ പുനലൂര്‍ പൊലീസ് അറസ്റ്റുചെയ്തു. വാഹനത്തിലുണ്ടായിരുന്ന അരുണ്‍, കാര്‍ത്തിക്, മാരിയപ്പന്‍, കബില്‍രാജ് എന്നിവരാണ് പിടിയിലായത്.
തിങ്കളാഴ്ച രാത്രിയില്‍ പുനലൂര്‍-അഞ്ചല്‍ റോഡില്‍ പിറക്കല്‍ പാലത്തിന് സമീപത്ത് നിന്നുമാണ് ഇവര്‍ പിടിയിലായത്. തമിഴ്‌നാട്ടില്‍ നിന്നും എത്തിച്ച പച്ചക്കറി പുനലൂരില്‍ ഇറക്കിയ ശേഷം ബാക്കി അഞ്ചലിലേക്ക് പോകുംവഴിയാണ് ഇവര്‍ പിടിയിലായത്. എസ്‌ഐമാരായ അജിത്കുമാര്‍, പി.എം. സജീബ്ഖാന്‍, എഎസ്‌ഐ രാജന്‍, സിപിഒ അഭിലാഷ് എന്നിവരുടെ സംഘമാണ് ഇവരെ പിടികൂടിയത്. പ്രതികളെ പുനലൂര്‍ കോടതിയില്‍ ഹാജരാക്കി.
പ്രതികരിക്കാൻ ഇവിടെ എഴുതുക: