ഇന്നലെ കൊറോണ സ്ഥിരീകരിച്ചത് നാലുപേര്‍ക്ക്

കൊല്ലം: ജില്ലയില്‍ ഇന്നലെ റിമാന്‍ഡ് പ്രതി ഉള്‍പ്പടെ നാലുപേര്‍ക്ക് കൊറോണ സ്ഥിരീകരിച്ചു. പെരിനാട് കുരീപ്പുഴ സ്വദേശി(53), ഇളമാട് ചെറിവയ്‌ക്കല്‍ സ്വദേശിനി(52), ഇളമാട് അമ്പലമുക്ക് സ്വദേശി(43), പുനലൂര്‍ സ്വദേശി(65) എന്നിവര്‍ക്കാണ് ഇന്നലെ കൊറോണ സ്ഥിരീകരിച്ചത്.

സ്ഥാപന നിരീക്ഷണത്തിലെ റിമാന്‍ഡ് പ്രതിയായിരുന്ന പുനലൂര്‍ സ്വദേശിയെ 20ന് നടത്തിയ പ്രത്യേക പരിശോധനയിലാണ് രോഗം കണ്ടെത്തിയത്. പുകയില ഉത്ന്നങ്ങളുമായി സ്‌കൂള്‍പരിസരത്ത് നിന്നും പോലീസ് പിടികൂടിയതിനെ തുടര്‍ന്നാണ് ഇദ്ദേഹം റിമാന്‍ഡിലായത്. മൂത്ത മകനുമായി പുനലൂര്‍ പോസ്റ്റ് ഓഫീസിന് സമീപമുള്ള ഷെഫീക്ക് സ്റ്റോര്‍ എന്ന സ്ഥാപനം നടത്തി വരുകയായിരുന്നു. 

തമിഴ്നാട്ടിലെ തെങ്കാശി, പുളിയന്‍കുടി എന്നിവിടങ്ങളിലുള്ള സ്റ്റേഷനറി വിതരണക്കാര്‍ എല്ലാ ശനിയാഴ്ചയും ഷോപ്പ് സന്ദര്‍ശിച്ചിട്ടുണ്ട്. കോവിഡ് പോസിറ്റീവായതിനെ തുടര്‍ന്ന് ഇന്നലെ പാരിപ്പള്ളി സര്‍ക്കാര്‍ മെഡിക്കല്‍ കോളജില്‍ പ്രവേശിപ്പിച്ചു. പെരിനാട് കുരീപ്പുഴ സ്വദേശി 21ന് ബഹ്റിനില്‍ നിന്നും ഇളമാട് അമ്പലമുക്ക് സ്വദേശി 12ന് കുവൈറ്റില്‍ നിന്നും ഇളമാട് ചെറുവയ്‌ക്കല്‍ സ്വദേശിനി 11ന് ഹരിയാനയില്‍ നിന്ന് മംഗള എക്സ്പ്രസ് ട്രെയിനിലും ജില്ലയില്‍ എത്തിയവരാണ്.

കൊറോണ ബാധിച്ച് ഇന്നലെ രാവിലെ പാരിപ്പള്ളി മെഡിക്കð കോളജിð മരിച്ച മയ്യനാട് സ്വദേശി വസന്തകുമാ(68)റിന്റെ മൃതദേഹം മുളങ്കാടകം ശ്മശാനത്തില്‍ സംസ്‌കരിച്ചു. കൊവിഡ് പ്രോട്ടോക്കോള്‍ പാലിച്ചായിരുന്നു സംസ്‌കാരം. ജില്ലയിð രണ്ടാമത്തെ കൊറോണരോഗിയാണ് മരണപ്പെട്ടത്. ജൂണ്‍ നാലിന് കോവിഡ് സ്ഥിരീകരിച്ച 65കാരനായ കാവനാട് സ്വദേശി സേവ്യറുടെതാണ് ജില്ലയില്‍ ആദ്യ കോവിഡ് മരണം.