തിരുവനന്തപുരം:കേരളത്തില് ബുധനാഴ്ച 152 പേര്ക്ക് കോവിഡ്-19 സ്ഥിരീകരിച്ചു. പത്തനംതിട്ട ജില്ലയില് നിന്നുള്ള 25 പേര്ക്കും, കൊല്ലം ജില്ലയില് നിന്നുള്ള 18 പേര്ക്കും, കണ്ണൂര് ജില്ലയില് നിന്നുള്ള 17 പേര്ക്കും, പാലക്കാട് ജില്ലയില് നിന്നുള്ള 16 പേര്ക്കും, ആലപ്പുഴ, തൃശൂര് ജില്ലകളില് നിന്നുള്ള 15 പേര്ക്കുവീതവും, മലപ്പുറം ജില്ലയില് നിന്നുള്ള 10 പേര്ക്കും, എറണാകുളം ജില്ലയില് നിന്നുള്ള 8 പേര്ക്കും, കോട്ടയം ജില്ലയില് നിന്നുള്ള 7 പേര്ക്കും, ഇടുക്കി, കാസര്കോട് ജില്ലകളില് നിന്നുള്ള 6 പേര്ക്ക് വീതവും, തിരുവനന്തപുരം ജില്ലയില് നിന്നുള്ള 4 പേര്ക്കും, കോഴിക്കോട് ജില്ലയില് നിന്നുള്ള 3 പേര്ക്കും, വയനാട് ജില്ലയില് നിന്നുള്ള 2 പേര്ക്കുമാണ് രോഗം സ്ഥിരീകരിച്ചത്.
രോഗം സ്ഥിരീകരിച്ചവരില് 98 പേര് വിദേശ രാജ്യങ്ങളില് നിന്നും 46 പേര് മറ്റ് സംസ്ഥാനങ്ങളില് നിന്നും വന്നതാണ്. കുവൈറ്റ്-49, യു.എ.ഇ.-22,സൗദി അറേബ്യ-12, ഒമാന്-5, ഖത്തര്-4, ബഹറിന്-2, താജിക്കിസ്ഥാന്- 2, മലേഷ്യ-1, നൈജീരിയ-1 എന്നിങ്ങനേയാണ് വിദേശ രാജ്യങ്ങളില് നിന്നും വന്നവര്. ഡല്ഹി-15, പശ്ചിമബംഗാള്-12, മഹാരാഷ്ട്ര-5, തമിഴ്നാട്-5, കര്ണാടക-4, ആന്ധ്രാപ്രദേശ്-3, ഗുജറാത്ത്-1, ഗോവ-1 എന്നിങ്ങനേയാണ് മറ്റ് സംസ്ഥാനങ്ങളില് നിന്നും വന്നവര്. 8 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. കണ്ണൂര് ജില്ലയിലെ 3 പേര്ക്കും കൊല്ലം, ആലപ്പുഴ, കോട്ടയം, എറണാകുളം, തൃശൂര് ജില്ലകളിലെ ഓരോരുത്തര്ക്ക് വീതമാണ് സമ്പര്ക്കത്തിലൂടെ രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 81 പേരുടെ പരിശോധനാഫലം നെഗറ്റീവ് ആയി. കോഴിക്കോട് ജില്ലയില് നിന്നുള്ള 35 പേരുടെയും (കണ്ണൂര്-2), ആലപ്പുഴ ജില്ലയില് നിന്നുള്ള 13 പേരുടെയും, കണ്ണൂര് ജില്ലയില് നിന്നുള്ള 10 പേരുടെയും (കാസര്ഗോഡ്-3, ആലപ്പുഴ-1, മലപ്പുറം-1), മലപ്പുറം ജില്ലയില് നിന്നുള്ള 7 പേരുടെയും (തൃശൂര്1), എറണാകുളം, തൃശൂര് ജില്ലകളില് നിന്നുള്ള 4 പേരുടെ വീതവും, കോട്ടയം ജില്ലയില് നിന്നുള്ള 3 പേരുടെയും, ഇടുക്കി ജില്ലയില് നിന്നുള്ള 2 പേരുടെയും, കൊല്ലം, പത്തനംതിട്ട, പാലക്കാട് ജില്ലകളില് നിന്നുള്ള ഒരാളുടെ വീതവും പരിശോധനാഫലമാണ് നെഗറ്റീവ് ആയത്. ഇതോടെ 1691 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 1,888 പേര് ഇതുവരെ കോവിഡില് നിന്നും മുക്തി നേടി.
സംസ്ഥാനത്തെ വിവിധ ജില്ലകളിലായി 1,54,759 പേരാണ് ഇപ്പോള് നിരീക്ഷണത്തിലുള്ളത്. ഇവരില് 1,52,477 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 2282 പേര് ആശുപത്രികളിലും നിരീക്ഷണത്തിലാണ്. 288 പേരെയാണ് ബുധനാഴ്ച ആശുപത്രിയില് പ്രവേശിപ്പിച്ചത്.
കഴിഞ്ഞ 24 മണിക്കൂറിനിടെ 4941 സാമ്പിളുകളാണ് പരിശോധിച്ചത്. റുട്ടീന് സാമ്പിള്, ഓഗ്മെന്റഡ് സാമ്പിള്, സെന്റിനല് സാമ്പില്, പൂള്ഡ് സെന്റിനില്, സി.ബി. നാറ്റ്, ട്രൂ നാറ്റ് എന്നിവ ഉള്പ്പെടെ ഇതുവരെ ആകെ 1,97,567 സാമ്പിളുകളാണ് പരിശോധനയ്ക്കായി അയച്ചത്. ഇതില് 4005 സാമ്പിളുകളുടെ പരിശോധനാ ഫലം വരാനുണ്ട്. ഇതുകൂടാതെ സെന്റിനല് സര്വൈലന്സിന്റെ ഭാഗമായി മുന്ഗണനാ ഗ്രൂപ്പുകളില് നിന്ന് 40,537 സാമ്പിളുകള് ശേഖരിച്ചതില് 39,113 സാമ്പിളുകള് നെഗറ്റീവ് ആയി.
ഇന്ന് 14 പുതിയ ഹോട്ട് സ്പോട്ടുകളാണുള്ളത്. തിരുവനന്തപുരം ജില്ലയിലെ കരിയ്ക്കകം (കണ്ടൈന്മെന്റ് സോണ് വാര്ഡ് 91), കടകംപള്ളി (92), എറണാകുളം ജില്ലയിലെ ശ്രീമൂല നഗരം (1, 7, 9, 10, 11, 12), മലപ്പുറം ജില്ലയിലെ താനൂര് (26, 30, 31), കണ്ണൂര് ജില്ലയിലെ ചിറയ്ക്കല് (23), കണ്ണൂര് ജില്ലയിലെ ചിറ്റാരിപ്പറമ്പ് (13), കുറുമാത്തൂര് (2), കോളച്ചേരി (5), കൂത്തുപറമ്പ് മുന്സിപ്പാലിറ്റി (25), മാലൂര് (3,12), മൊകേരി (5), പെരളശേരി (12), ശ്രീകണ്ഠപുരം മുന്സിപ്പാലിറ്റി (26), ആലപ്പുഴ ജില്ലയിലെ ആലപ്പുഴ മുന്സിപ്പാലിറ്റി (50) എന്നിവയാണ് പുതിയ ഹോട്ട് സ്പോട്ടുകള്.
14 പ്രദേശങ്ങളെ കണ്ടൈമെന്റ് സോണില് നിന്നും ഒഴിവാക്കിയിട്ടുണ്ട്. മലപ്പുറം ജില്ലയിലെ കുറുവ (കണ്ടൈന്മെന്റ് സോണ് വാര്ഡ് 9, 10, 11, 12, 13), എടപ്പാള് (7, 8, 9, 10, 11, 17, 18), മൂര്ക്കനാട് (2,3), വട്ടക്കുളം (12, 13, 14), കണ്ണൂര് ജില്ലയിലെ ആന്തൂര് മുന്സിപ്പാലിറ്റി (5), ചെമ്പിലോട് (1), ചെറുപുഴ (14), ചൊക്ലി (2, 9), ധര്മ്മടം (13), എരുവേശി (12), കണിച്ചാര് (12), കണ്ണപുരം (1), നടുവില് (1), പന്ന്യന്നൂര് (6) എന്നിവയേയാണ് ഒഴിവാക്കിയത്. നിലവില് ആകെ 111 ഹോട്ട് സ്പോട്ടുകളാണ് ഉള്ളത്
