തിരുവനന്തപുരം: അഞ്ചാം ദിവസവും വൈറസ് ബാധിതരുടെ എണ്ണം നൂറിനുമുകളില്‍. സംസ്ഥാനത്ത് ഇന്ന് 141 പേര്‍ക്ക് കൊറോണ സ്ഥിരീകരിച്ചു. ഇന്നലെ 138 പേരായിരുന്നു വൈറസ് ബാധിതര്‍. സംസ്ഥാനത്ത് രോഗം ബാധിച്ച് ഒരാള്‍ മരിച്ചു. ദല്‍ഹിയില്‍ നിന്നും എത്തിയ കൊല്ലം മയ്യനാട് സ്വദേശി വസന്തകുമാര്‍ (68) ആണ് മരിച്ചത്.
രോഗ ബാധിതരില്‍ 79 പേര്‍ വിദേശ രാജ്യങ്ങളില്‍ നിന്നും 52 പേര്‍ മറ്റ് സംസ്ഥാനങ്ങളില്‍ (ദല്‍ഹി 16, തമിഴ്‌നാട് 14, മഹാരാഷ്‌ട്ര 9, പശ്ചിമ ബംഗാള്‍, ഉത്തര്‍പ്രദേശ്, കര്‍ണാടക, ഹരിയാന, ആന്ധ്രപ്രദേശ് 2 വീതം, മധ്യപ്രദേശ്, മേഘാലയ, ഹിമാചല്‍ പ്രദേശ് ഒന്നുവീതം) നിന്നും വന്നതാണ്.
ജില്ല തിരിച്ചുള്ള പട്ടിക:
- തിരുവനന്തപുരം 4
- കൊല്ലം 4
- ആലപ്പുഴ 19
- പത്തനംതിട്ട 27
- കോട്ടയം 8
- എറണാകുളം 13
- പാലക്കാട് 27
- തൃശൂര്‍ 14
- വയനാട് 2
- മലപ്പുറം 11
- കോഴിക്കോട് 6
- കണ്ണൂര്‍ 6
ഒമ്പത് പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. ഒരു ആരോഗ്യ പ്രവര്‍ത്തകര്‍ക്കും വൈറസ് ബാധ. ഉറവിടം കണ്ടെത്താനാവാത്തതും രോഗലക്ഷണങ്ങള്‍ ഇല്ലാത്തതുമായ ചില കേസുകളും സംസ്ഥാനത്തുണ്ട്. നിലവില്‍ ആകെ 111 ഹോട്ട് സ്‌പോട്ടുകളാണ് ഉള്ളത്.
ഒമ്പത് ജില്ലകളില്‍ നൂറിനുമേളില്‍ രോഗികള്‍. ഇന്ന് 60 പേര്‍ രോഗമുക്തി നേടി. മലപ്പുറം 15, കോട്ടയം 12, തൃശൂര്‍ 10, എറണാകുളം 6, പത്തനംതിട്ട 6, കൊല്ലം 4, തിരുവനന്തപുരം 3, വയനാട് 3, കണ്ണൂര്‍ 1 എന്നിങ്ങനെയാണ് ഇന്ന് ഫലം നെഗറ്റീവായത്. ഇന്ന് 4473 സാമ്പിളുകള്‍ പരിശോധിച്ചു. ഇതുവരെ 3451 പേര്‍ക്കാണ് സംസ്ഥാനത്ത് രോഗം സ്ഥിരീകരിച്ചത്.
ഇപ്പോള്‍ ചികിത്സയിലുള്ളത് 1620 പേരാണ്. 1,50,196 പേരാണ് ഇപ്പോള്‍ നിരീക്ഷണത്തിലുള്ളത്. 2206 പേര്‍ ആശുപത്രികളില്‍. ഇന്നു മാത്രം 275 പേരെ ആശുപത്രിയില്‍ പ്രവേശിപ്പിച്ചു. ഇതുവരെ 1,44,649 സാമ്പിളുകളാണ് പരിശോധനയ്‌ക്ക് അയച്ചത്. 3661 സാമ്പിളുകളുടെ പരിശോധനാഫലം വരാനുണ്ട്. ഇതുവരെ സെന്റിനല്‍ സര്‍വൈലന്‍സിന്റെ ഭാഗമായി മുന്‍ഗണനാ വിഭാഗത്തില്‍പ്പെട്ട 39,518 സാമ്പിളുകള്‍ ശേഖരിച്ചതില്‍ 38,551 നെഗറ്റീവായിട്ടുണ്ട്.
പ്രതികരിക്കാൻ ഇവിടെ എഴുതുക: