കൊച്ചി: പട്ടികജാതി ഉദ്യോഗാര്ത്ഥികളോടുള്ള ഇടതുസര്ക്കാര് വഞ്ചനക്കെതിരെ ബിജെപി പട്ടികജാതിമോര്ച്ച പ്രക്ഷോഭത്തിലേക്ക്. പട്ടികജാതി-പട്ടികവര്ഗ വിഭാഗക്കാരുടെ സ്പെഷ്യല് റിക്രൂട്ട്മെന്റ് അടിയന്തിരമായി നടപ്പിലാക്കണമെന്ന് പട്ടികജാതി മോര്ച്ച സംസ്ഥാന പ്രസിഡന്റ് ഷാജുമോന് വട്ടേക്കാട് ആവശ്യപ്പെട്ടു.
സര്ക്കാര് വകുപ്പുകളില് പട്ടികജാതി,വര്ഗ വിഭാഗക്കാരുടെ സ്പെഷ്യല് നിയമനങ്ങളുമായി ബന്ധപ്പെട്ട് പൊതുഭരണ സെക്രട്ടറിയേറ്റില് പ്രവര്ത്തിക്കുന്ന എംപ്ലോയ്മെന്റ് സെല് എ, ബി സെക്ഷനുകള് പിന്വലിക്കാനുള്ള നീക്കത്തില് നിന്ന് പിന്മാറണം. എംപ്ലോയിമെന്റ് സെല് എന്ന ഏക സെക്ഷനാക്കി മാറ്റാനുള്ള തീരുമാനം തൊഴില്രഹിതരായ പട്ടികജാതി-പട്ടികവര്ഗ ഉദ്യോഗാര്ത്ഥികളെ സര്ക്കാര് ജോലിയില്നിന്ന് അകറ്റിനിര്ത്താനുള്ള ആസൂത്രിതമായ നീക്കത്തിന്റെ ഭാഗമാണ്, ഷാജുമോന് വട്ടേക്കാട് പറഞ്ഞു. സ്പെഷ്യല് റിക്രൂട്ട്മെന്റ് നടപടികള് അടിയന്തിരമായി നടപ്പിലാക്കണമെന്ന് ആവശ്യപ്പെട്ട് പട്ടികജാതി പട്ടികവര്ഗ വകുപ്പ് മന്ത്രി എ.കെ.ബാലന് ഷാജുമോന് വട്ടേക്കാട് നിവേദനം നല്കി.
