ആലുവ: യുസി കോളേജിനു സമീപം ആര്എസ്എസ് മണ്ഡല് കാര്യവാഹിനെ വധിക്കാന് ശ്രമിച്ച കേസിലെ പ്രതികളുടെ ഇരുചക്ര വാഹനങ്ങള്ക്ക് വ്യാജ നമ്പറുകളാണെന്ന് പൊലീസ് അന്വേഷണത്തില് ബോധ്യമായി. മൂന്ന് ഇരുചക്ര വാഹനങ്ങളില് രണ്ടെണ്ണത്തിന്റെ നമ്പറുകളാണ് സിസി ടിവി ദൃശ്യത്തില് നിന്ന് വ്യക്തമായത്.
ഇവ രണ്ടും കാറുകളുടേതാണെന്ന് അന്വേഷണ ഉദ്യോഗസ്ഥര് പറഞ്ഞു. കുട്ടമശേരി ചാലക്കല് കൊല്ലംകുടിവീട്ടില് രജിത്തിനെ (36) ജൂണ് 16ന് രണ്ട് ബൈക്കിലും ഒരു സ്കൂട്ടറിലുമായി എത്തിയ എട്ടംഗസംഘം ആക്രമിച്ചത്. തീവ്രവാദ സ്വഭാവമുള്ള കേസായതിനാല് പൊലീസ് അതീവ ജാഗ്രതയോടെയാണ് അന്വേഷണം നടത്തുന്നത്.
പ്രതികളെ സംബന്ധിച്ച ചില സൂചനകള് പൊലീസിനു കിട്ടി. പ്രതികള് നാടു വിട്ടതായാണ് വിവരം. ചാലക്കലില് നടന്ന മതംമാറ്റ വിഷയത്തില് രജിത്ത് ഇടപെട്ടതിനെ തുടര്ന്നുണ്ടായ ചിലരുടെ വൈരാഗ്യമാണ് ആക്രമണത്തിന് പിന്നിലെന്നാണ് പറയപ്പെടുന്നത്. വിഷയത്തിന്റെ ഗൗരവം മനസിലാക്കി കേസ് അന്വേഷണത്തിനായി ആലുവ ഡിവൈ.എസ്.പി ജി. വേണുവിന്റെ നേതൃത്വത്തില് 15 അംഗ സംഘത്തെ ജില്ലാ പൊലീസ് മേധാവി കെ. കാര്ത്തിക് ചുമതലപ്പെടുത്തിയിട്ടുണ്ട്.
