കൊച്ചി: ജില്ലയില്‍ സമൂഹവ്യാപനമില്ലെന്ന് മന്ത്രി വി.എസ്. സുനില്‍കുമാര്‍. സമൂഹ വ്യാപനമറിയാന്‍ 480 പേരില്‍ ആന്റി ബോഡി പരിശോധന പൂര്‍ത്തിയാക്കി. ഇതില്‍ നിരീക്ഷണത്തില്‍ കഴിയുന്ന മൂന്നുപേര്‍ക്ക് മാത്രമാണ് രോഗം സ്ഥിരീകരിച്ചതെന്നും മന്ത്രി പറഞ്ഞു.
കൂടാതെ ക്വാറന്റീന്‍ സംവിധാനം ഇല്ലാത്ത എല്ലാ പഞ്ചായത്തുകളിലും അടിയന്തരമായി ക്വാറന്റീന്‍ സംവിധാനമൊരുക്കാന്‍ നിര്‍ദേശം നല്‍കിയെന്നും ക്രമീകരണങ്ങള്‍ നിയന്ത്രിക്കാനായി എല്ലാ പഞ്ചായത്തുകളിലും നോഡല്‍ ഓഫീസര്‍മാരെ നിയോഗിക്കുമെന്നും മന്ത്രി അറിയിച്ചു.
കൊറോണ രോഗികളുടെ എണ്ണം വര്‍ധിക്കുന്ന സാഹചര്യത്തില്‍ സിയാല്‍ കണ്‍വെന്‍ഷന്‍ സെന്ററില്‍ ഫസ്റ്റ് ലൈന്‍ ട്രീറ്റമെന്റ് സെന്റര്‍ സജ്ജീകരിക്കുമെന്നും മന്ത്രി പറഞ്ഞു. നിരീക്ഷണത്തില്‍ കഴിയുന്ന ആളുകള്‍ക്ക് എല്ലാ തരത്തിലുമുള്ള ചികിത്സകളും നല്‍കാന്‍ എറണാകുളം മെഡിക്കല്‍ കോളേജില്‍ മാത്രമാണ് സംവിധാനമുള്ളത്.
അതിനാല്‍ പിവിഎസ് ആശുപത്രി പ്രവര്‍ത്തനസജ്ജമാക്കാനുള്ള നടപടികള്‍ സ്വീകരിക്കും. കളക്ടര്‍ എസ്. സുഹാസ്, ജില്ലാ മെഡിക്കല്‍ ഓഫീസര്‍ ഡോ. എന്‍.കെ. കുട്ടപ്പന്‍, ഡിസിപി ജി. പൂങ്കഴിലി, മെഡിക്കല്‍ കോളേജ് പ്രിന്‍സിപ്പല്‍ ഡോ. എന്‍. റോയ് തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: