മുക്കം: മലയോരമേഖലയില് മോഷ്ടാക്കളുടെ ശല്യം രൂക്ഷമായി. കീഴുപറമ്പ് പഞ്ചായത്തിലെ പഴം പറമ്പില് കഴിഞ്ഞദിവസം രാത്രി നിരവധി വീടുകളിലാണ് മോഷണശ്രമം നടന്നത്. പഴംപറമ്പ് യാക്കിപറമ്പന് സലീമിന്റെ വീട്ടിലും തൊട്ടടുത്ത മറ്റു വീടുകളിലും മോഷണവും മോഷണ ശ്രമവും നടന്നു. സലീമിന്റെ വീടിന്റെ ഗോവണിക്കൂടിന്റെ വാതില് തകര്ത്താണ് മോഷ്ടാവ് അകത്തുകടന്നത്.
അലമാരിയിലേയും മറ്റും സാധനങ്ങള് വാരി വലിച്ചിട്ട നിലയിലാണ്. സലീമിനെ ജേഷ്ഠന് മജീദിനെ വീട്ടില് നിന്ന് മൊബൈല്ഫോണും നഷ്ടപ്പെട്ടിട്ടുണ്ട്. തൊട്ടടുത്ത മറ്റു വീടുകളിലും മോഷണ ശ്രമം നടന്നിട്ടുണ്ട്.
പുലര്ച്ചെ ഒരു മണിക്ക് ശേഷമാണ് മോഷ്ടാവ് വീടുകളില് എത്തിയതെന്ന് തൊട്ടടുത്ത കടയില് നിന്ന് ലഭിച്ച സിസിടിവി ദൃശ്യങ്ങളില് നിന്ന് വ്യക്തമാണ് .അരീക്കോട് പോലീസ് സ്റ്റേഷനില് പരാതി നല്കിയതിന്റെ അടിസ്ഥാനത്തില് പോലീസ് കേസെടുത്ത് അന്വേഷണം ആരംഭിച്ചു
