നരിക്കുനി: വിദ്യാര്‍ഥികള്‍ക്ക് ഓണ്‍ലൈന്‍ പഠന സൗകര്യമൊരുക്കുന്നതില്‍ കൈത്താങ്ങായി നരിക്കുനി കെഎസ്ഇബി. ചക്കാലക്കല്‍ ഗവ. ഹയര്‍ സെക്കണ്ടറി സ്‌കൂളിലെ പത്താം ക്ലാസിലും മടവൂര്‍ എയുപി സ്‌കൂളിലെ ഏഴാം ക്ലാസിലും പഠിക്കുന്ന നിര്‍ധനരായ രണ്ട് കുട്ടികള്‍ക്ക് ഓണ്‍ലൈന്‍ പഠനത്തിനായി കെഎസ് ഇബി നരിക്കുനി സ്റ്റാഫ് കമ്മറ്റിയുടെ നേതൃത്വത്തില്‍ സൗജന്യമായി വൈദ്യുതി കണക്ഷന്‍ നല്‍കി.
അടുക്കന്‍മല ഗോപാലന്റെ വീടിനാണ് സൗജന്യമായി വൈദ്യുതി കണക്ഷന്‍ നല്‍കിയത്. അസിസ്റ്റന്റ് എഞ്ചിനീയര്‍ ഹാരിസ് ഉദ്ഘാടനം ചെയ്തു. സബ് എഞ്ചിനീയര്‍ ഷാനവാസ് ഷാന്‍ അധ്യക്ഷനായി. സബ് എഞ്ചിനീയര്‍ ജുബിന്‍, രാമചന്ദ്രന്‍, റഫീഖ്, മുഹമ്മദ്, ഡ്രൈവര്‍ ടി.കെ. ഷൈജു തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: