പത്തനംതിട്ട: കേരള വോളിബോള്‍ ടീം മുന്‍ ക്യാപ്റ്റനും തിരുവനന്തപുരം ടൈറ്റാനിയം ചീഫ് സൂപ്രണ്ടുമായിരുന്ന മല്ലശ്ശേരി നെടിയവിളയില്‍ ഡാനിക്കുട്ടി ഡേവിഡ് (60) അന്തരിച്ചു. 1981-82 ല്‍ ഡാനിക്കുട്ടി ഡേവിഡ് ക്യാപ്റ്റനായ കേരള സര്‍വകലാശലാ ടീം അഖിലേന്ത്യാ അന്തര്‍ സര്‍വകലാശാല വോളിബോള്‍ ചാമ്പ്യന്‍ഷിപ്പില്‍ കിരീടം ചൂടി.
1981 മുതല്‍ 11 വര്‍ഷം തുടര്‍ച്ചയായി നാഷണല്‍ ചാമ്പ്യന്‍ഷിപ്പില്‍ കേരളാ ടീം അംഗമായിരുന്നു. റാന്നി സെന്റ് തോമസ് കോളേജിലൂടെയാണ് കരിയര്‍ തുടങ്ങിയത്. സംസ്‌കാര ശുശ്രൂഷ നാളെ കോന്നി, കൊന്നപ്പാറ മോടിയില്‍ ഭവനത്തില്‍ രാവിലെ 10 മണിക്കും, മല്ലശ്ശേരി ബേത്‌ലഹേം മാര്‍ത്തോമ്മാ ദൈവാലയത്തില്‍ 2 മണിക്കും നടക്കും. കുമ്പഴ കടവില്‍ കുടുംബാംഗമാണ്.
ഭാര്യ: കോന്നി കൊന്നപ്പാറ മോടിയില്‍ ആനിയമ്മ (മോനി), മക്കള്‍: ഡെന്നീസ് ഡാനി, ആനീസ് ഡാനി. ഭൗതികദേഹം രാവിലെ 7.15 ന് പത്തനംതിട്ട സ്‌പോര്‍ട്‌സ് കൗണ്‍സില്‍ ഓഫീസിലും, 11.30 മുതല്‍ 1 വരെ മല്ലശ്ശേരി വൈഎംസിഎ. ഹാളിലും പൊതുദര്‍ശനത്തിന് വയ്‌ക്കും.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: