കൊച്ചി: കേരള ടൂറിസം വകുപ്പിന്റെ ‘ആയുര്‍ ഡയമണ്ട് സ്റ്റാര്‍ ക്ലാസിഫിക്കേഷന്‍’ഡോ . എ വി അനൂപ് നയിക്കുന്ന എ വി എ ഗ്രൂപ്പിന് കീഴിലുള്ള സഞ്ജീവനം ആയുര്‍വേദ ഹോസ്പിറ്റലിന്. ആയുര്‍വേദ രംഗത്ത് നവീന ആശയങ്ങള്‍ ഉപയോഗിച്ച്, ഉന്നത നിലവാരമുള്ള ചികിത്സയും സേവനവും ലഭ്യമാക്കുന്നതിലെ മികവാണ് ഈ അംഗീകാരത്തിന് സഞ്ജീവനത്തിനെ അര്‍ഹമാക്കിയത്. ടൂറിസം വകുപ്പ് മുന്നോട്ടുവച്ച മാനദണ്ഡങ്ങള്‍ പാലിക്കുന്ന ആയുര്‍വേദ ആശുപത്രികള്‍ക്ക് ലഭിക്കുന്ന ഏറ്റവും ഉയര്‍ന്ന അംഗീകാരമാണിത്. ആയുര്‍ ഡയമണ്ട് സ്റ്റാര്‍ ക്ലാസിഫിക്കേഷന്‍ ലഭിക്കുന്ന കേരളത്തിലെ ആദ്യത്തെ ആയുര്‍വേദ ഹോസ്പിറ്റല്‍ ആണ് സഞ്ജീവനം ആയുര്‍വേദ ഹോസ്പിറ്റല്‍.
അതി വിദഗ്ദരായ ആയുര്‍വേദ ഡോക്ടര്‍മാര്‍, ഉന്നത നിലവാരമുള്ള ചികിത്സാ പദ്ധതികളും ഔഷധങ്ങളും, വൃത്തിലുള്ളതും, ആരോഗ്യകരവും പരിസ്ഥിതി സൗഹൃദവുമായ അന്തരീക്ഷം, അത്യാധുനികവും, ഉപഭോക്തൃ സൗഹൃദവുമായ അടിസ്ഥാന സൗകര്യങ്ങള്‍, എന്നിങ്ങനെ ടൂറിസം വകുപ്പിന്റെ മാനദണ്ഡങ്ങള്‍ പൂര്‍ണമായും പാലിച്ചാണ് സഞ്ജീവനം ആയുര്‍വേദ ഹോസ്പിറ്റലിന്റെ പ്രവര്‍ത്തനം.
സഞ്ജീവനത്തിലെ ഓരോരുത്തര്‍ക്കും ഇത് ഒരു അഭിമാന നിമിഷമാണെന്നും,, ഏറ്റവും മികച്ചതും കാര്യക്ഷമവുമായ ആയുര്‍വേദ ചികിത്സ ലഭ്യമാക്കാന്‍ സഞ്ജീവനത്തിലെ ഡോക്ടര്‍മാരും സംഘവും കാഴ്ചവെക്കുന്ന ആത്മസമര്‍പ്പണത്തിനുള്ള അംഗീകാരമാണിതെന്നും എ വി എ ഗ്രൂപ്പ് മാനേജിങ് ഡയറക്ടര്‍ ഡോ എ വി അനൂപ് പറഞ്ഞു. ഇവിടെ വരുന്ന ഓരോ അതിഥികള്‍ക്കും ഓരോ ദിനവും ലോകോത്തര നിലവാരമുള്ള സേവനം ലഭ്യമാക്കാന്‍ സഞ്ജീവനത്തിനു കഴിയുന്നു.
ആയുര്‍വേദത്തിനൊപ്പം മറ്റു പാരമ്പര്യ രീതികളായ നാച്ചുറോപ്പതി, യോഗ, എന്നിവയും ഫിസിയോ തെറാപ്പി, മോഡേണ്‍ ഡയഗ്‌നോസിസ് എന്നിവ സംയോജിപ്പിച്ചു ആരോഗ്യ സൗഖ്യത്തിനുള്ള സമാനത കളില്ലാത്ത ചികിത്സാ രീതിയാണ് സഞ്ജീവനത്തിന്റെ സവിശേഷത. 5 ആയുര്‍വേദ ചികിത്സാ വിഭാഗത്തിലൂടെയുള്ള ചികിത്സയും ഓരോ അതിഥിക്കും അനുയോജ്യമായ വിധം സഞ്ജീവനം തന്നെ ഔഷധങ്ങള്‍ തയ്യാറാക്കുന്നതെന്ന പ്രത്യേകതയുമുണ്ട്. അലോപ്പതി സ്‌പെഷ്യലിസ്റ്റുകള്‍, ഡയറ്റീഷ്യന്‍മാര്‍, ഫിസിയോ തെറാപ്പിസ്റ്റുകള്‍, മികച്ച പരിശീലനം ലഭിച്ച തെറാപ്പിസ്റ്റുകള്‍ എന്നിവരുടെ സേവനം ഇവിടെ ലഭ്യമാണ്.
അത്യാധുനിക ഫിറ്റ്‌നസ് സെന്റര്‍, ഫിസിയോതെറാപ്പി സെന്റര്‍, ഇലൈബ്രറി, മിനി സിനിമതീയേറ്റര്‍, യോഗ സെന്ററുകള്‍, വെജിറ്റേറിയന്‍, നോണ്‍വെജിറ്റേറിയന്‍ റസ്‌റ്റോറന്റുകള്‍, റിക്രിയേഷന്‍ സെന്ററുകള്‍, വിശാലമായ മുറികള്‍ എന്നിവയും സഞ്ജീവനത്തിന്റെ മികവുകളാണ്.
മെഡിമിക്‌സ് ആയുര്‍വേദ സോപ്പിന്റെ നിര്‍മ്മാതാക്കളായ എവിഎ ഗ്രൂപ്പാണ് സഞ്ജീവനം വിഭാവനം ചെയ്ത് വികസിപ്പിച്ചെടുത്തത്. ഫാസ്റ്റ് മൂവിംഗ് കണ്‍സ്യൂമര്‍ ഗുഡ്‌സ്(എങഇഏ), ഹെല്‍ത്ത് കെയര്‍, എന്റര്‍ടൈന്‍മെന്റ് എന്നിവയില്‍ താല്‍പ്പര്യങ്ങളുള്ള വൈവിധ്യമാര്‍ന്ന ഒരു കൂട്ടായ്മയാണ് എവിഎ ഗ്രൂപ്പ്. എങഇഏ വിഭാഗത്തില്‍ മെഡിമിക്‌സ്, മേളം, കെയ്ത്ര തുടങ്ങിയ നിരവധി വിജയകരമായ ബ്രാന്‍ഡുകള്‍ ഗ്രൂപ്പിന് സ്വന്തമാണ്.
കഴിഞ്ഞ നിരവധി പതിറ്റാണ്ടുകളായി, ഗ്രൂപ്പ് പ്രവര്‍ത്തിക്കുന്ന ഓരോ മേഖലയിലും ഒരു ലീഡറായി നിലകൊള്ളുന്നു. ആയുര്‍വേദ പഠനത്തിന് മാത്രമായി കേന്ദ്ര സര്‍ക്കാരിന്റെ അംഗീകാരമുള്ള ഒരു ആര്‍ & ഡി സെന്റര്‍ എവിഎ ഗ്രൂപ്പിന് ഉണ്ട്.
പ്രതികരിക്കാൻ ഇവിടെ എഴുതുക: