പോത്തന്‍കോട്: യുവതിയുടെ വീടാക്രമിച്ച പ്രതികളെ പിടികൂടാന്‍ പോലീസ് വൈകുന്നതില്‍ പ്രതിഷേധിച്ച് മഹിളാമോര്‍ച്ച പോലീസ് സ്റ്റേഷന്‍ മാര്‍ച്ച് നടത്തി. മഹിളാമോര്‍ച്ച നെടുമങ്ങാട് നിയോജക മണ്ഡലം കമ്മിറ്റിയുടെ നേതൃത്വത്തില്‍ സംഘടിപ്പിച്ച സ്റ്റേഷന്‍മാര്‍ച്ച് ബിജെപി സംസ്ഥാന വൈസ് പ്രസിഡന്റ് പ്രെഫ: വി.ടി. രമ ഉദ്ഘാടനം ചെയ്തു.
പന്തലക്കോട് വാഴോട്ട്‌പൊയ്ക മുക്കോലക്കല്‍ പുതുവല്‍പുത്തന്‍ വീട്ടില്‍ അശ്വതിക്കും കുംടുംബത്തിനും നേരെയാണ് ആക്രമണം നടന്നത്. സിപിഎമ്മുകാരായ പ്രതികളെ സംരക്ഷിക്കുന്ന പോലീസ് നിലപാട് ഇടത് സര്‍ക്കാരിനെ പ്രീതിപ്പെടുത്താനാണെന്ന് വി.ടി.രമ പറഞ്ഞു. പോലീസുകാര്‍ കാക്കിക്കുള്ളിലെ ഇടത് രാഷ്‌ട്രീയം മാറ്റിവച്ച് പ്രതികളെ പിടികൂടാന്‍ തയ്യാറാകണം. പോലീസ് പ്രതികളെ പിടികൂടാന്‍ തയ്യാറായില്ലങ്കില്‍ പ്രതിഷേധം വ്യാപകമാക്കുമെന്നും വി.റ്റി രമ പറഞ്ഞു.
മണ്ഡലം പ്രസിഡന്റ് ഗിരിജകുമാരി അധ്യക്ഷത വഹിച്ചു. മഹിളാമോര്‍ച്ച ജില്ലാ വൈസ് പ്രസിഡന്റ് സ്വപ്‌ന സുദര്‍ശനന്‍, ജില്ലാ സെക്രട്ടറി ശ്രീകല, രജിത, ശാലിനി, സുമയ, ബിജെപി നേതാക്കളയായ വെമ്പായം സുരേഷ്, വട്ടപ്പാറ അനില്‍, കണക്കോട് സജി, വേറ്റിനാട് ജയന്‍ പങ്കെടുത്തു.
പ്രതികരിക്കാൻ ഇവിടെ എഴുതുക: