ബീജിംഗ്: ചൈനയുടെ തലസ്ഥാനമായ ബീജിംഗിൽ കൊറോണ രോഗവ്യാപനം വീണ്ടും. ഏഴ് പുതിയ കേസുകളാണ് ബെയ്ജിങ്ങിൽ സ്ഥിരീകരിച്ചിരിക്കുന്നത്. മത്സ്യ ചന്തയില്‍ ഉപയോഗിക്കുന്ന ചോപ്പിംഗ് ബോര്‍ഡുകളില്‍ കൊറോണ രോഗാണു സാന്നിദ്ധ്യം സ്ഥിരീകരിച്ചിട്ടുണ്ട്. തുടര്‍ന്ന് ത്സിന്‍ഫാഡി മൊത്തവ്യാപാര ചന്ത അടപ്പിച്ചു. ചൈനീസ് തലസ്ഥാന നഗരത്തിലെ ഏറ്റവും വലിയ പച്ചക്കറി-മാംസ വില്‍പന ചന്തയാണിത്.
ചന്തയോട് ചേര്‍ന്നുള്ള വീടുകളുള്ള ഭാഗങ്ങളില്‍ പൂര്‍ണ്ണ ലോക്ഡൗണ്‍ നടപ്പാക്കി. കൂടുതല്‍ കേസുകള്‍ ഉണ്ടാകാമെന്നും അതിനായുള്ള പരിശോധന കര്‍ശനമായി നടന്നു വരികയാണെന്ന് അധികൃതര്‍ അറിയിച്ചു. ജനസംഖ്യ ഏറ്റവും കൂടിയ ബെയ്ജിങ്ങിലെ ഏഴു കേന്ദ്രങ്ങളിലാണ് ലോക്ഡൗൺ പ്രഖ്യാപിച്ചത്.
ചന്തയിലെ വില്‍പനക്കാരില്‍ നിന്നും ജീവനക്കാരില്‍ നിന്നുമായി ശേഖരിച്ച 517 സാമ്പിളുകളില്‍ 45 എണ്ണമെങ്കിലും കൊവിഡ് പോസിറ്റീവാണ്. ഇവിടെ നിന്നും മത്സ്യം വാങ്ങുന്നത് നിര്‍ത്തിവച്ചു. ഏകദേശം 55 ദിവസത്തിനു ശേഷം കഴിഞ്ഞ ആഴ്ചയിലാണ് ഒരു 52 വയസ്സുകാരന് ബീജിംഗിൽ രോഗം സ്ഥിരീകരിച്ചത്.
രണ്ട് ദിവസത്തിനകം ആറോളം പേര്‍‌ക്ക് രോഗം സ്ഥിരീകരിച്ചു.
പ്രതികരിക്കാൻ ഇവിടെ എഴുതുക: