കുന്ദമംഗലം: പൂവാട്ടുപറമ്പില്‍ പതിനൊന്നുകാരനെ പ്രകൃതിവിരുദ്ധ പീഡനത്തിനിരയാക്കിയതായി പരാതി. സംഭവവുമായി ബന്ധപ്പെട്ട് മെഡിക്കല്‍ കോളേജ് പോലീസ് ഒരാളെ കസ്റ്റഡിയിലെടുത്തു. ഇയാളുടെ അടുത്തബന്ധുവും മറ്റും കേസില്‍ ഉള്‍പ്പെട്ടതായാണ് സൂചന. മിഠായി വാങ്ങാനെത്തിയ കുട്ടിയെ മധുരം നല്‍കി കടയുടെ പിറകില്‍ കൊണ്ടുപോയി പീഡിപ്പിക്കുകയായിരുന്നു. കടയില്‍വെച്ചും പള്ളിയില്‍വെച്ചും കുട്ടിയെ പീഡിപ്പിച്ചതായും പരാതിയുണ്ട്.
കുട്ടിയുടെ അസ്വസ്ഥത ശ്രദ്ധയില്‍പ്പെട്ട മാതാവ് കാര്യം തിരക്കിയപ്പോഴാണ് നിരവധി തവണ പീഡനത്തിന് ഇരയായ വിവരം അറിഞ്ഞത്. തുടര്‍ന്ന് ബന്ധുക്കള്‍ ഇയാളെ ചോദ്യം ചെയ്തു. ഇയാള്‍ കുറ്റം സമ്മതിച്ച് മാപ്പ് പറയുകയും ചെയ്തു. വിവരമറിഞ്ഞ വിദേശത്തുള്ള കുട്ടിയുടെ പിതാവിന്റെ നിര്‍ദ്ദേശത്തെ തുടര്‍ന്ന് പോലീസില്‍ പരാതി നല്‍കുകയായിരുന്നു. പോലീസ് കുട്ടിയുടെ വീട്ടിലെത്തി മൊഴി രേഖപ്പെടുത്തി തുടര്‍നടപടികള്‍ സ്വീകരിക്കുകയായിരുന്നു. സംഭവത്തില്‍ ഉള്‍പ്പെട്ട കൂടുതല്‍ പേരെ ഇന്ന് പോലീസ് കസ്റ്റഡിയില്‍ എടുക്കും.
പ്രതികരിക്കാൻ ഇവിടെ എഴുതുക: