കരുനാഗപ്പള്ളി: കരുനാഗപ്പള്ളിയില്‍ വന്‍ പാന്‍മസാല വേട്ട. കുലശേഖരപുരം കോട്ടക്കുപുറം മാംബോലില്‍ മനോഹരന്റെ കടയില്‍ നിന്നും 150 കിലോ പാന്‍ മസാല കരുനാഗപ്പള്ളി എക്‌സൈസ് റേഞ്ച് ഇന്‍സ്‌പെക്ടര്‍ പ്രസന്നനും പാര്‍ട്ടിയും ചേര്‍ന്ന് കണ്ടെടുത്തു.
കുട്ടികള്‍ക്ക് പുകയില ഉത്പന്നങ്ങള്‍ വില്ക്കുന്നു എന്ന പരാതിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് പാന്‍ മസാല കണ്ടെത്തിയത്. ഇയാള്‍ക്ക് പുകയില ഉത്പന്നങ്ങള്‍ എത്തിക്കുന്ന വ്യക്തിയെക്കുറിച്ചും കൃത്യമായ സൂചന ലഭിച്ചിട്ടുണ്ട്.
റെയ്ഡില്‍ ഇന്‍സ്‌പെക്ടര്‍ക്കൊപ്പം അസിസ്റ്റന്റ് എക്‌സൈസ് ഇന്‍സ്‌പെക്ടര്‍ അന്‍വര്‍, സിവില്‍ എക്‌സൈസ് ഓഫീസര്‍മാരായ ജിനു തങ്കച്ചന്‍, യൂജിന്‍ ആന്റണി, പ്രഭകുമാര്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: