കൈതക്കോട്: ഞാങ്കടവ് കുടിവെള്ള പദ്ധതിക്ക് പൈപ്പ് സ്ഥാപിക്കുന്നതിനു വേണ്ടി വെട്ടിക്കുഴിച്ച കൈതക്കോട്-മുളവന റോഡ് കാല്‍നടയാത്രക്ക്പോലും സാദ്ധ്യമാകാത്ത വിധം ദുരിതപൂര്‍ണ്ണമായിട്ട് ഒന്നര വര്‍ഷക്കാലമായി. അപകടങ്ങളും ദുരിതങ്ങളും തുടര്‍ക്കഥയായിട്ടും ഉദ്യോഗതലത്തില്‍ നിന്നും അധികാരികളില്‍ നിന്നും ഒരു നടപടിയും ഇതുവരെ ഉണ്ടായിട്ടില്ല. ഇതില്‍ പ്രതിഷേധിച്ച് ബിജെപി 11-ാം വാര്‍ഡ് കമ്മിറ്റിയുടെ നേത്യത്വത്തില്‍ റോഡില്‍ വാഴ നട്ട് പ്രതിഷേധിച്ചു.
ബിജെപി പവിതേശ്വരം പഞ്ചായത്ത് സമിതി ജനറല്‍ സെക്രട്ടറി പി. സുരേഷ്‌കുമാര്‍ പ്രതിഷേധസമരം ഉദ്ഘാടനം ചെയ്തു. പഞ്ചായത്ത് വൈസ്പ്രസിഡന്റ് കെ. സന്തോഷ് കുമാര്‍, പഞ്ചായത്ത് സമിതിയംഗം മോഹനന്‍ കുരയില്‍, വാര്‍ഡ് കണ്‍വീനര്‍ രതീഷ്, കിരണ്‍ബാബു, കെ.സി. കോമളന്‍, രാജേന്ദ്രന്‍, അനില്‍കുമാര്‍, ഗിരീഷ് കുറുപ്പ്, ജനാര്‍ദ്ദനന്‍, ജോണ്‍സന്‍ എന്നിവര്‍ നേത്യത്വം നല്‍കി.
പ്രതികരിക്കാൻ ഇവിടെ എഴുതുക: