പാലക്കാട്: മലമ്പുഴ ഉദ്യാനത്തില് കാട്ടാനയിറങ്ങി വ്യാപക നാശനഷ്ടമുണ്ടാക്കി. ഉദ്യാനത്തിലെ മതില് തകര്ത്ത് അകത്ത് പ്രവേശിച്ച കാട്ടാന രണ്ടുലക്ഷത്തോളം രൂപയുടെ നാശനഷ്ടമാണ് ഉണ്ടാക്കിയത്.
കഴിഞ്ഞദിവസം പുലര്ച്ചെയാണ് മലമ്പുഴ ഉദ്യാനത്തില് കാട്ടാന വിഹരിച്ചത്. ഉദ്യാനത്തിലെ മതിലും , കമ്പിവേലിയും തകര്ത്ത് അകത്തു പ്രവേശിച്ച ആന കുട്ടികളുടെ പാര്ക്കിന്റെ ഭാഗത്ത് നിലയുറപ്പിച്ചു. പിന്നീട് കാടുകയറിയെങ്കിലും തിരിച്ചുവരികയായിരുന്നു.
തുടര്ന്ന് നടപ്പാതയിലെ കൈവരി ഉള്പ്പെടെ തകര്ത്തു. ആനയുടെ മുമ്പില് പെട്ട വ്യക്തി അത്ഭുതകരമായാണ് രക്ഷപ്പെട്ടത്. വനംവകുപ്പും, ജല വിഭവ വകുപ്പും, ഉദ്യാനത്തിലെത്തി നാശനഷ്ടങ്ങള് വിലയിരുത്തി.
