മട്ടാഞ്ചേരി: ലക്ഷദ്വീപില്‍ നിന്ന് 362 യാത്രക്കാരുമായി മൂന്ന് കപ്പലുകള്‍ കൂടി കൊച്ചിയിലെത്തി. എംവി കവരത്തി, ക്വാറല്‍, അറേബ്യന്‍ സീ എന്നീ കപ്പലുകളാണ് ഇന്നലെ കൊച്ചി തുറമുഖത്തെത്തിയത്. എം.വി കവരത്തിയില്‍ 75, ക്വാറലില്‍ 119, അറേബ്യന്‍ സീയില്‍ 168 എന്നിങ്ങനെയാണ് യാത്രക്കാരുടെ എണ്ണം.
മലയാളികള്‍ 30 പേരാണ് കപ്പലില്‍ ഉണ്ടായിരുന്നത്. ലക്ഷദ്വീപ് സ്വദേശികള്‍ 97 പേരും ഇതര സംസ്ഥാനങ്ങളില്‍ നിന്നുള്ള 232 പേരുമാണ് കപ്പലില്‍ ഉണ്ടയത്. പുരുഷന്‍മാര്‍ 329 ഉം സ്ത്രീകള്‍ 33 ഉം. ലക്ഷദ്വീപ് ഗ്രീന്‍ സോണായതിനാല്‍ ഇവര്‍ക്കെല്ലാം ഗൃഹനിരീക്ഷണത്തിലായിരിക്കും. കപ്പലില്‍ നിന്ന് ആരോഗ്യ പരിശോധനയ്‌ക്ക് ശേഷമാണ് യാത്രക്കാരെ പുറത്തിറക്കിയത്. മലയാളികള്‍ ട്രെയിന്‍ മാര്‍ഗം അവരവരുടെ ജില്ലകളിലേക്ക് തിരിച്ചു. ഇതര സംസ്ഥാനക്കാരും ട്രെയിനിലും വിമാനത്തിലുമായി തിരിച്ചു.
പ്രതികരിക്കാൻ ഇവിടെ എഴുതുക: