കോഴിക്കോട്: ജില്ലയില് ഇന്നലെ ആറ് പേര്ക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ.വി. ജയശ്രീ അറിയിച്ചു. എല്ലാവരും വിദേശത്ത് നിന്ന് വന്നവരാണ്. ജില്ലയിലെ എം.വി.ആര് കാന്സര് സെന്ററില് ചികിത്സയിലായിരുന്ന തൃശ്ശൂര് സ്വദേശി രോഗമുക്തി നേടി്.
സൗദില് നിന്നെത്തിയ ഉണ്ണികുളം സ്വദേശി, കുവൈറ്റില് നിന്നെത്തിയ അഴിയൂര്, ചങ്ങരോത്ത് സ്വദേശികള്, റിയാദില് നിന്നെത്തിയ ഓമശ്ശേരി സ്വദേശി, ദുബായില് നിന്നെത്തിയ പേരാമ്പ്ര വേളം സ്വദേശികള് എന്നിവര്ക്കാണ് ഇന്നലെ കോവിഡ് സ്ഥിരീകരിച്ചത്.
ഉണ്ണികുളം സ്വദേശി (26) ജൂണ് രണ്ടിനാണ് സൗദിയില് നിന്നെത്തിയത്. അഴിയൂര് സ്വദേശിയും (24) ജൂണ് രണ്ടിനാണ് എത്തിയത്. മെയ് 31 നാണ് ഓമശ്ശരി സ്വദേശി (55). റിയാദില് നിന്നെത്തിയത്. പേരാമ്പ്ര ചെറുവണ്ണൂര് സ്വദേശി (22). മെയ് 28 ന് ദുബായില് നിന്നെത്തി കൊവിഡ് കെയര് സെന്ററില് നീരീക്ഷണത്തിലായിരുന്നു.വേളം സ്വദേശി (28). മെയ് 28 ന് ദുബായില് നിന്നും ചങ്ങരോത്ത് സ്വദേശി (43). മെയ് 29 ന് കുവൈത്തില് നിന്നുമാണ് നാട്ടിലെത്തിയത്.
കോഴിക്കോട് ജില്ലയില് ഇതുവരെ രോഗം സ്ഥിരീകരിച്ച വര് 102 ആയി. ജില്ലയില് ഇന്നലെ പുതുതായി 720 പേര്കൂടി നിരീക്ഷണത്തിലായി. ഇപ്പോള് ആകെ 8116 പേര് നിരീക്ഷണത്തിലുണ്ട്.
