ചാരുംമൂട്: വള്ളികുന്നത്ത് സംഘപരിവാര് പ്രവര്ത്തകരുടെ വീടുകള് അടച്ചു തകര്ക്കുകയും വീട്ടില് സൂക്ഷിച്ചിരുന്ന മുപ്പതിനായിരം രൂപയും ഒന്നരപവന്റെ സ്വര്ണ്ണമാലയും മോഷ്ടിക്കുകയും ചെയ്ത സിപിഎം-ഡിവൈഎഫ്ഐ- എസ്എഫ്ഐ പ്രവര്ത്തകരില് ആറു പേരെ വള്ളികുന്നം പോലീസ് കഴിഞ്ഞ ദിവസം കായംകുളം കോടതിയില് ഹാജരാക്കി റിമാന്റു ചെയ്തു.
ഡിവൈഎഫ്ഐ വള്ളികുന്നം കിഴക്ക് മേഖലാ സെക്രട്ടറി കടുവിനാല് ഗോപി സദനത്തില് ശ്രീനി (30), മേഖലാ പ്രസിഡന്റ് കാഞ്ഞിര വിളയില് ഉദിത് ശങ്കര് (26), കമ്മിറ്റി അംഗം കടുവിനാല് കൊച്ചുവിളയില് ജലീല് (35), ചാരുംമൂട് ഏരിയാ കമ്മിറ്റി ട്രഷറര് കടുവിനാല് വീണാ ഭവനത്തില് വിനു (36), കിഴക്ക് ലോക്കല് കമ്മിറ്റി പ്രസിഡന്റ് പടീറ്റക്ക് അഭിജിത്ത് (20), അംഗം ലക്ഷ്മി ഭവനത്തില് അര്ജുന്പങ്കജാക്ഷന് (31) എന്നിവരാണ് അറസ്റ്റിലായത്.ഇവര്ക്കെതിരെ ഒന്പതോളം ഐപിസി കുറ്റങ്ങളാണ് ചുമത്തിയത്.
ആര്എസ്എസ് പ്രവര്ത്തകന് എം.ആര്. ജങ്ഷനു തെക്ക് ആകാശ് ഭവനത്തില് സുമിത്ത്, വിമുക്തഭടനും ഹിന്ദു ഐക്യവേദി വള്ളികുന്നം പഞ്ചായത്ത് കമ്മിറ്റി സെക്രട്ടറി കുഴുവേലില് പറമ്പില് കെ.ഷാജി, ഇടയശ്ശേരില് ശശി എന്നിവരുടെ വീടുകളാണ് പാതിരാനേരം കടന്നുകയറി അടിച്ചു തകര്ത്തത്.
