ഇസ്ലാമബാദ് : അധോലോക നേതാവ് ദാവൂദ് ഇബ്രാഹിമിനും ഭാര്യയ്ക്കും കൊറോണ വൈറസ് ബാധിച്ചതായി റിപ്പോര്ട്ട്; പാക്കിസ്ഥാന് സര്ക്കാരിലെ ഉന്നത വൃത്തങ്ങളെ ഉദ്ധരിച്ച് ചില പ്രാദേശിക മാധ്യമങ്ങളാണ് ഇക്കാര്യം പുറത്തുവിട്ടത്.
പാക്കിസ്ഥാനില് ഒളിച്ചു താമസിക്കുകയായിരുന്ന ദാവൂദ് ഇബ്രാഹിം നിലവില് കറാച്ചിയിലെ സൈനികാശുപത്രിയില് ചികിത്സയിലാണ്. ഇയാള്ക്കൊപ്പം ഭാര്യ മെഹസാബിനേയും ആശുപത്രിയില് പ്രവേശിപ്പിച്ചതായും റിപ്പോര്ട്ടില് പറയുന്നുണ്ട്. ഇരുവരേയും കൂടാതെ ദാവൂദിന്റെ വ്യക്തിഗത സുരക്ഷാജീവനക്കാരില് പലരും നിരീക്ഷണത്തിലാണെന്നും സൂചനയുണ്ട്.
1993- ലെ മുംബൈ സ്ഫോടന പരമ്പരയുടെ മുഖ്യസൂത്രധാരനായ ദാവൂദ് ഇബ്രാഹിം പാക്കിസ്ഥാനിലേക്ക് ഒളിച്ചു കടക്കുകയായിരുന്നു. ഇയാളെ പിടികിട്ടാപ്പുള്ളിയായും പ്രഖ്യാപിച്ചിട്ടുണ്ട്. ലോകത്തിലെ 10 കൊടും ഭീകരരില് മൂന്നാം സ്ഥാനത്താണ് ദാവൂദ് ഇബ്രാഹിം. ഇയാള് പാക് ചാര സംഘടനയായ ഐഎസ്ഐയുടെ സഹായത്തോടെയാണ് കഴിയുന്നതെന്നാണ് വിവരം.
