കൊച്ചി: കൊച്ചി ശാസ്ത്ര സാങ്കേതിക സര്‍വ്വകലാശാല (കുസാറ്റ്) രജിസ്ട്രാറായി ഡോ. വി. മീര ചുമതലയേറ്റു. നാലു വര്‍ഷത്തേക്കാണ് നിയമനം. ചേര്‍ത്തല എസ്.എന്‍. കോളേജിലെ കെമിസ്ട്രി വകുപ്പ് മേധാവിയായിരുന്നു.
കുസാറ്റിലെ അപ്ലൈഡ് കെമിസ്ട്രി വകുപ്പില്‍ നിന്ന് എംഫില്ലും പിഎച്ച്ഡിയും കരസ്ഥമാക്കിയ ഡോ. വി. മീര ഇന്ത്യന്‍ മാരിടൈം സര്‍വകലാശാലയിലെ ഫാക്കല്‍റ്റിയായും പ്രവര്‍ത്തിച്ചിട്ടുണ്ട്. പ്രൊഫ. പ്രയാര്‍ പ്രഭാകരന്റെയും വസുന്ധതിയുടെയും മകളാണ്. കുസാറ്റ് ഷിപ് ടെക്നോളജി വകുപ്പ് അസോസിയേറ്റ് പ്രൊഫസര്‍ ഡോ. സി.ബി. സുധീറാണ് ഭര്‍ത്താവ്. വിനയ്, നിയുക്ത എന്നിവരാണ് മക്കള്‍.
പ്രതികരിക്കാൻ ഇവിടെ എഴുതുക: