മെല്‍ബണ്‍: കേരളത്തിലെ മത്സ്യത്തൊഴിലാളി കുടുംബങ്ങള്‍ക്ക് ഓസ്ട്രേലിയയില്‍ നിന്നും സാന്ത്വനം. സേവഓസ്ട്രേലിയ ആണ് 12,364 മത്സ്യത്തൊഴിലാളി കുടുംബങ്ങള്‍ക്ക് സഹായം എത്തിക്കുന്നത്. ജൂണ്‍ ആറിന് കോഴിക്കോട് കൊളത്തൂര്‍ അദ്വെതാശ്രമത്തില്‍ നടക്കുന്ന ചടങ്ങില്‍ സ്വാമി ചിദാനന്ദ പുരി സേവാ നിധി കൈമാറും. ദേശീയ സേവാഭാരതി സെക്രട്ടറി എം.സി ഷാജുകുമാര്‍, ആര്‍.എസ്.എസ് വിഭാഗ് പ്രചാരക് വി.ഗോപാലകൃഷ്ണന്‍ എന്നിവര്‍ ചേര്‍ന്ന് ഏറ്റുവാങ്ങും.
ഓസ്ട്രേലിയയിലുടനീളമുള്ള നിരവധി മലയാളികളും ഹിന്ദു അസോസിയേഷനുകളുടെ പിന്തുണയോടെയാണ് സേവാ ഓസ്ട്രേലിയ് ‘കേരളത്തിലെ മത്സ്യത്തൊഴിലാളികള്‍ക്ക് സന്ത്വനം’ എന്ന ശ്രദ്ധേയമായ ലക്ഷ്യത്തിനായി പ്രവര്‍ത്തിച്ചത്. നിരവധി വ്യക്തികളും കുടുംബങ്ങളും ഗ്രൂപ്പുകളും അവരുടെ സഹായ ഹസ്തവുമായി മുന്നോട്ടു വന്നു.
സംരംഭത്തെ പിന്തുണക്കുകയും വലിയ വിജയമാക്കുകയും ചെയ്ത ഓരോരുത്തരോടും നന്ദിയുണ്ടെന്ന് സേവഓസ്ട്രേലിയ ഭാരവാഹികള്‍ അറിയിച്ചു.
പ്രതികരിക്കാൻ ഇവിടെ എഴുതുക: