കൊച്ചി: ജില്ലയില് ഇന്നലെ അഞ്ചുപേര്ക്ക് കൂടി വൈറസ് ബാധ സ്ഥിരീകരിച്ചു. വൈറസ് ബാധ സ്ഥിരീകരിച്ച എല്ലാവരും കളമശേരി മെഡിക്കല് കോളേജില് ചികിത്സയിലാണ്. ഇന്നലെ സ്ഥിരീകരിച്ച അഞ്ചുപേരില് ഒരാള് ആശുപത്രി ജീവനക്കാരിയാണ്.
മഹാരാഷ്ട്രയില് നിന്ന് മെയ് 16ന് റോഡ് മാര്ഗമെത്തിയ 30 വയസുള്ള അയ്യമ്പിള്ളി സ്വദേശിയാണ് രോഗം സ്ഥിരീകരിച്ച ഒരാള്. വീട്ടില് നിരീക്ഷണത്തിലായിരുന്ന ഇദ്ദേഹത്തിന് രോഗലക്ഷണങ്ങള് കണ്ടതിനെ തുടര്ന്ന് സ്രവപരിശോധനയ്ക്ക് വിധേയമാക്കുകയായിരുന്നു.
മെയ് 27ലെ കുവൈത്ത്- കൊച്ചി വിമാനത്തിലെത്തിയ 50 വയസുള്ള ചുള്ളിക്കല് സ്വദേശിനിയാണ് രോഗം സ്ഥിരീകരിച്ച രണ്ടാമത്തെയാള്. ജില്ലയിലെത്തിയതിന് ശേഷം സ്ഥാപന നിരീക്ഷണത്തിലായിരുന്ന ഇവര്ക്ക് രോഗലക്ഷണങ്ങളൊന്നുണ്ടായിരുന്നില്ല. കൂടെ യാത്ര ചെയ്തവരില് ചിലര്ക്ക് രോഗം സ്ഥിരീകരിച്ചതിനെ തുടര്ന്ന് സ്രവപരിശോധനയ്ക്ക് വിധേയമാക്കുകയും രോഗം സ്ഥിരീകരിക്കുകയുമായിരുന്നു.
മെയ് 28 ലെ ദുബായ്-കൊച്ചി വിമാനത്തിലെത്തിയ 28 വയസുള്ള പല്ലാരിമംഗലം സ്വദേശിനിയാണ് രോഗം സ്ഥിരീകരിച്ച മൂന്നാമത്തെയാള്. ഗര്ഭിണിയായ ഇവര് വീട്ടില് നിരീക്ഷണത്തിലായിരന്നു. ഇവര്ക്കും രോഗലക്ഷണങ്ങളുണ്ടായിരുന്നില്ല.
മെയ് 19ന് റിയാദ്-കരിപ്പൂര് വിമാനത്തില് വന്ന 26 വയസുള്ള പാനായിക്കുളം ആലങ്ങാട് സ്വദേശിയാണ് രോഗം സ്ഥിരീകരിച്ച നാലാമത്തെയാള്. സ്ഥാപന നിരീക്ഷണത്തിലായിരുന്ന ഇദ്ദേഹത്തിനും രോഗലക്ഷണങ്ങള് ഉണ്ടായിരുന്നില്ല.
ആശുപത്രി ജീവനക്കാര്ക്കുള്ള സര്വൈലന്സിന്റെ ഭാഗമായി സാമ്പിളെടുത്ത ഒരു ആശുപത്രി ജീവനക്കാരിയാണ് ഇന്ന് രോഗം സ്ഥിരീകരിച്ച അഞ്ചാമത്തെയാള്. ഇവര് ആശുപത്രിയില് ചികിത്സയിലാണ്.
