കൊച്ചി:ഗള്‍ഫില്‍ കൊവിഡ് ബാധിച്ച്‌ നാലു മലയാളികള്‍ കൂടി മരിച്ചു . കൊവിഡ് സ്ഥിരീകരിച്ചതിനെ തുടര്‍ന്ന് ഹോം ക്വാറന്റീനില്‍ കഴിയുകയായിരുന്നു എറണാകുളം വൈറ്റില സ്വദേശി എം.എസ്.മുരളീധരന്‍ (52) ദോഹയിലാണ് മരിച്ചത്.
ദോഹയില്‍ ഗ്ലോബല്‍ മീഡിയ നെറ്റ് വര്‍ക്ക് എന്ന പേരില്‍ സ്വന്തമായി സ്ഥാപനം നടത്തി വരികയായിരുന്നു. പ്രമേഹബാധിതനായിരുന്ന ഇദ്ദേഹത്തിന് കൊവിഡ് സ്ഥിരീകരിച്ചതിനെ തുടര്‍ന്ന് ആദ്യം ഹോം കാറന്റീനിലായിരുന്നു. ശ്വസന സംബന്ധമായ പ്രയാസങ്ങളെ തുടര്‍ന്ന് ഹമദ് ആശുപത്രിയില്‍ പ്രവേശിപ്പിക്കുകയും ചികിത്സയിലിരിക്കെ അന്ത്യം സംഭവിക്കുകയായിരുന്നു. ഭാര്യ സ്വപ്ന ഹമദ് ആശുപത്രിയില്‍ ജീവനക്കാരിയാണ്. പ്ലസ്ടുവിന് പഠിക്കുന്ന മകനുണ്ട്.
കാസര്‍കോട് സ്വദേശിയായ ഷിജിത്ത് കല്ലാളത്തില്‍ (45) അബുദാബിയിലാണ് മരിച്ചത്. മലപ്പുറം പാണ്ടിക്കാട് സ്വദേശിയായ മുഹമ്മദ് ഷെരീഫ് സൗദി അറേബ്യയിലെ ദമാമില്‍ മരിച്ചു. ആലപ്പുഴ മാന്നാര്‍ സ്വദേശി അനില്‍ കുമാര്‍ ജുബൈലിലാണ് മരിച്ചത്. 52വയസായിരുന്നു.
പ്രതികരിക്കാൻ ഇവിടെ എഴുതുക: