കൊച്ചി: ജില്ലയില് ഇന്നലെ മൂന്ന് പേര്ക്ക് കൂടി കൊറോണ സ്ഥിരീകരിച്ചു. മെയ് 17ന് അബുദാബി-കൊച്ചി വിമാനത്തിലെത്തിയ 56 വയസ്സുള്ള കീഴ്മാട് സ്വദേശിക്കും, 35 വയസുള്ള ചെങ്ങമനാട് സ്വദേശിയുമാണ് രോഗം സ്ഥിരീകരിച്ച രണ്ട് പേര്. ആദ്യം കൊറോണ കെയര് സെന്ററിലും പിന്നീട് വീട്ടിലുമായി നിരീക്ഷണത്തില് കഴിയുകയായിരുന്ന ഇവര്ക്ക് രോഗലക്ഷണങ്ങള് ഉണ്ടായിരുന്നില്ല. ഇവരെത്തിയ വിമാനത്തിലുള്ളപലര്ക്കും രോഗം സ്ഥിരീകരിച്ചതിനെ തുടര്ന്ന് ഇവരുടെ സ്രവം പരിശോധിക്കുകയായിരുന്നു. ഫലം പോസറ്റീവ് ആയതോടെ ഇരുവരെയും കളമശേരി മെഡിക്കല് കോളേജില് പ്രവേശിപ്പിച്ചു.
മെയ്28ന് സലാല-കണ്ണൂര് വിമാനത്തിലെത്തിയ 34 വയസുള്ള ആലങ്ങാട് സ്വദേശിയാണ് രോഗം സ്ഥിരീകരിച്ച മൂന്നാമത്തെയാള്. രോഗലക്ഷണങ്ങള് കണ്ടിനെ തുടര്ന്ന് അന്നു തന്നെ കണ്ണൂര് അഞ്ചരക്കണ്ടി മെഡിക്കല് കോളേജില് പ്രവേശിപ്പിക്കുകയും സ്രവ പരിശോധനയില് രോഗം സ്ഥിരീകരിക്കുകയായിരുന്നു. ഇദ്ദേഹം കണ്ണൂരില് ചികിത്സയിലാണ്.
ഇന്ന് ജില്ലയിലെ പ്രധാന മാര്ക്കറ്റുകളില് 77 ചരക്കു ലോറികള് എത്തി. അതില് വന്ന 92 ഡ്രൈവര്മാരുടെയും ക്ളീനര്മാരുടെയും വിവരങ്ങള് ശേഖരിച്ചു. ഇതില് 53 പേരെ കണ്ട്രോള് റൂമില് നിന്നും ഫോണ് വഴി ബന്ധപ്പെട്ട് വിവരങ്ങള് ശേഖരിച്ചു. ആരിലും രോഗലക്ഷണങ്ങള് ഇല്ല.
