തിരുവനന്തപുരം: സംസ്ഥാനത്ത് ഇന്ന് 86 പേര്ക്കാണ് കൊറോണ സ്ഥിരീകരിച്ചത്. ഒരു ദിവസത്തെ ഏറ്റവും ഉയര്ന്ന സംഖ്യയാണ് ഇത്. 200 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. 12 പേര്ക്ക് സമ്പര്ക്കത്തിലൂടെ രോഗം. പാലക്കാട് ജില്ലയിലെ ഒരു ആരോഗ്യ പ്രവര്ത്തകയ്ക്കും രോഗം ബാധിച്ചു. ഗുരുതര ശ്വാസകോശ രോഗബാധയെ തുടര്ന്ന് തിരുവനന്തപുരം മെഡിക്കല് കോളേജില് ചികിത്സയിലിരിക്കെ ഇന്ന് മരണമടഞ്ഞ നാലാഞ്ചിറ സ്വദേശിയായ റവ. ഫാ. കെ.ജി. വര്ഗീസിന് (77) വൈറസ് രോഗബാധ സ്ഥിരീകരിച്ചു.
ജില്ല തിരിച്ചുള്ള പട്ടിക:
മലപ്പുറം 15
ആലപ്പുഴ 10
കാസറഗോഡ് 9
കൊല്ലം 8
തിരുവനന്തപുരം 7 (ഇന്ന് മരിച്ച വ്യക്തിയുള്പ്പെടെ)
കോട്ടയം 6
തൃശൂര് 6
വയനാട് 6
പാലക്കാട് 5
കോഴിക്കോട് 5
കണ്ണൂര് 5
എറണാകുളം 3
പത്തനംതിട്ട 1
ഇന്ന് രോഗം സ്ഥിരീകരിച്ചവരില് 46 പേര് വിദേശത്ത് നിന്നും (കുവൈറ്റ് 21, യു.എ.ഇ.16, സൗദി അറേബ്യ 6, മാലിദ്വീപ് 1, ഖത്തര് 1, ഒമാന് 1) 26 പേര് മറ്റ് സംസ്ഥാനങ്ങളില് (മഹാരാഷ്ട്ര 9, തമിഴ്നാട് 7, കര്ണാടക 5, ഡല്ഹി 3, ഗുജറാത്ത് 1, രാജസ്ഥാന് 1) നിന്നും വന്നതാണ്. 12 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. വയനാട് ജില്ലയിലെ ആറു പേര്ക്കും മലപ്പുറം ജില്ലയിലെ 4 പേര്ക്കും കാസര്ഗോഡ്, കണ്ണൂര് ജില്ലകളില് നിന്നും ഒരാള്ക്ക് വീതവുമാണ് സമ്പര്ക്കത്തിലൂടെ രോഗം സ്ഥിരീകരിച്ചത്.
ഇന്ന് പുതുതായി ഒരു ഹോട്ട് സ്പോട്ടാണുള്ളത്. മലപ്പുറം ജില്ലയിലെ ആനക്കയമാണ് പുതിയ ഹോട്ട് സ്പോട്ട്. നിലവില് 122 ഹോട്ട് സ്പോട്ടുകളാണ് ഉള്ളത്. സംസ്ഥാനത്ത് ആകെ 1,43,989 പേരാണ് എത്തിയത്. ഇതില് എയര്പോര്ട്ട് വഴി 25,832 പേരും സീപോര്ട്ട് വഴി 1621 പേരും ചെക്ക് പോസ്റ്റ് വഴി 1,06,218 പേരും റെയില്വേ വഴി 10,318 പേരുമാണ് എത്തിയത്. സംസ്ഥാനത്തെ വിവിധ ജില്ലകളിലായി 1,47,010 പേരാണ് നിരീക്ഷണത്തിലുള്ളത്. ഇവരില് 1,45,670 പേര് വീട് / ഇന്സ്റ്റിറ്റിയൂഷണല് ക്വാറന്റൈനിലും 1340 പേര് ആശുപത്രികളിലുമാണ്.
കഴിഞ്ഞ 24 മണിക്കൂറിനിടെ 2421 സാമ്പിളുകള് പരിശോധനയ്ക്കായി അയച്ചിട്ടുണ്ട്. ഇതുവരെ 71,068 വ്യക്തികളുടെ (ഓഗ്മെന്റഡ് സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 67,249 സാമ്പിളുകളുടെ പരിശോധനാഫലം നെഗറ്റീവ് ആണ്. അതേസമയം രോഗം സ്ഥിരികരിച്ച് ചികിത്സയിലായിരുന്ന 19 പേരുടെ പരിശോധനാഫലം നെഗറ്റീവ് ആയി. കോട്ടയം, കാസര്ഗോഡ് ജില്ലകളില് നിന്നുള്ള 7 പേരുടെ വീതവും തിരുവനന്തപുരം ജില്ലയില് നിന്നുള്ള 2 പേരുടെയും പത്തനംതിട്ട, മലപ്പുറം, കണ്ണൂര് ജില്ലകളില് നിന്നുള്ള ഓരോരുത്തരുടെ വീതവും പരിശോധനാഫലമാണ് നെഗറ്റീവ് ആയത്. ഇതോടെ 774 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 627 പേര് ഇതുവരെ കോവിഡില് നിന്നും മുക്തി നേടി.
