തിരുവനന്തപുരം: വിക്ടേഴ്‌സ് ചാനൽ വഴി ക്ലാസ്സെടുത്ത അധ്യാപികമാർക്കെതിരെ സാമൂഹ്യമാധ്യമങ്ങളിലൂടെ അവഹേളിച്ച സൈബർ പോരാളികൾ കുടുങ്ങും. സൈബർ കേസ് രജിസ്റ്റർ ചെയ്ത് പോലീസ്. വനിതാ കമ്മീഷനും യുവജനകമ്മീഷനും സ്വമേധയാ കേസെടുത്തു. അധ്യാപകർക്കെതിരെ മോശം പരാമർശം നടത്തിയവർക്കെതിരെ നടപടി ആവശ്യപ്പെട്ട് സോഷ്യൽ മീഡിയയിലും ഒന്നടങ്കം പ്രതിഷേധം.
ജൂൺ ഒന്നിന് ആണ് കൈറ്റിന്റെ ആഭിമുഖ്യത്തിൽ ക്ലാസ്സുകൾ ആരംഭിച്ചത്. ഒന്നാംക്ലാസ്സിലെ പാഠഭാഗങ്ങളുടെ ഭാഗമായി പൂച്ചയുടെ കഥ രസകരാമി പഠപിച്ച അധ്യാപിക സായി ശ്വേതയ്‌ക്കെതിരെ ആണ് ആദ്യം ട്രോളുകൾ പ്രചരിച്ചത്. പിന്നാലെ ക്ലാസ്സുകൾ എടുത്ത മറ്റ് അധ്യാപകർക്കെതിരെ മോശം പരാമർശങ്ങളുമായി ട്രോളുകളും വീഡിയോകളും വ്യാപകമായി പ്രചരിച്ചു.ഒരു അധ്യാപകയുടെ ചിത്രം ഉപയോഗിച്ച് നൂറുകണക്കിന് വ്യാജ പ്രൊഫൈലുകൾ ഫെയിസ് ബുക്കിലും മറ്റ് സാമൂഹ്യ മാധ്യമങ്ങളിലും രൂപപ്പെട്ടുത്തി. നിമിഷ നേരത്തിനുള്ളിൽ ഇത് വ്യാപകമായി പ്രചരിച്ചു. പിന്നാലെ അധ്യാപകർക്കെതിരെ ലൈംഗിക ചുവയോടെയുള്ള ട്രോളുകളും പോസ്റ്ററുകളും കമന്റുകളുമായി ചിലർ എത്തി. ഇതോടെ സോഷ്യൽ മീഡിയിൽ വ്യാപക പ്രതിഷേധം ഉയരുകായിരുന്നു. സൈബർ കുറ്റവാളികൾക്കെതിരെ നടപടി എടുക്കമെന്നും ആവശ്യം ഉയർന്നു. തുടർന്നാണ് നടപടിയുമായി പോലീസും വിവധ കമ്മീഷനുകളും രംഗത്ത് എത്തിയത്.
ഇന്നലെ രാവിലെ കൈറ്റ് ചീഫ് എക്‌സിക്യുട്ടീവ് ഓഫീസർ എഡിജിപി മനോജ് എബ്രഹാമിന് പരാതി നൽകി. തുടർന്ന് സൈബർ ക്രൈം സ്റ്റേഷനിൽ കേസ് രജിസ്റ്റർ ചെയ്യുകയായിരുന്നു. കേരള വനിതാ കമ്മീഷൻ സ്വമേധയാആണ് കേസെടുത്തു. വനിതാ കമ്മീഷൻ അംഗം ഡോ.ഷാഹിദ കമാലിന്റെ നിർദ്ദേശപ്രകാരമാണ് കേസെടുത്തത്. സൈബർ ആക്രമണങ്ങൾക്കെതിരെ പോലീസ് മേധാവിയോട് റിപ്പോർട്ട് ആവശ്യപ്പെടുമെന്നും റിപ്പോർട്ട് ലഭിച്ചതിനു ശേഷം വനിതാ കമ്മീഷൻ തുടർനടപടികൾ സ്വീകരിക്കുമെന്നും വനിതാക്മ്മീഷൻ അറിയിച്ചു. യുവജനകമ്മിഷനും സ്വമേധയാ കേസ് എടുത്തു പ്രതികളെ ഉടൻ തന്നെ അറസ്റ്റ് ചെയ്യണമെന്നും ഈ വിഷയത്തിൽ പോലീസ് സ്വീകരിച്ച നടപടികൾ രണ്ടാഴ്ചക്കകം റിപ്പോർട്ട് ലഭ്യമാക്കണമെന്നും യുവജനകമ്മീഷൻ ആവശ്യപ്പെട്ടിട്ടുണ്ട്.
സോഷ്യൽ മീഡിയയിൽ അധ്യാപകരെ അഭിനന്ദിച്ചും സൈബർ കുറ്റവാളികൾക്കെതിരെ പ്രതിഷേധമുയർത്തിയും നിരവധിപേർ രംഗത്ത് എത്തിയിട്ടുണ്ട്. അധ്യാപകർക്കെതിരെ വികൃതമായ കമന്റുകളും പോസ്റ്റുകളുമിട്ട് ആനന്ദം കൊള്ളുന്നവരുടെ മനോനില അപകടകരവും പ്രബുദ്ധ കേരളത്തിന് അപമാനകരവുമാമെന്നാണ് നിരവധിപേർ സാമൂഹമാധ്യമങ്ങളിൽ കുറിച്ചത്. അധ്യാപകരുടെ ക്ലാസ്സുകൾ ആസ്വദിക്കുന്ന കുട്ടികളുടെ നിരവധി വീഡിയോകളും നിരവധിപേർ പങ്കുവയച്ചിട്ടുണ്ട്.
പ്രതികരിക്കാൻ ഇവിടെ എഴുതുക: