തിരുവനന്തപുരം : ക്ലബ്ബുകള് വഴിയും മദ്യം വിതരണം ചെയ്യാന് സംസ്ഥാന സര്ക്കാര് അനുമതി നല്കി. വിദേശമദ്യ ചട്ടത്തിലെ 13 4(എ)യിലാണ് ഭേദഗതി വരുത്തിയിരിക്കുന്നത്. സംസ്ഥാനത്ത് 42 ബാറുകള്ക്കാണ് ലൈസന്സ് ഉള്ളത്. നാളെ മുതല് ഇവിടെ വില്പ്പന നടത്താന് സാധിക്കും. സംസ്ഥാനത്ത് 42 ക്ലബ്ബുകള്ക്കാണ് ബാര് ലൈസന്സുള്ളത്. വിദേശമദ്യ ചട്ടത്തിലെ 13 4(എ)യിലാണ് ഭേദഗതി വരുത്തിയത്.
ബീവറേജസുകളുടെ പ്രവര്ത്തനം പുനരാരംഭിച്ചെങ്കിലും ബാറുകള്ക്ക് അനുമതി നല്കിയിരുന്നില്ല. തുടര്ന്നാണ് നിയമത്തില് ഭേദഗതി വരുത്തി ബാറുകള് തുറക്കാനൊരുങ്ങുന്നത്. പ്രത്യേക കൗണ്ടറുകള് വഴിയാണ് മാത്രമായിരിക്കും മദ്യം വിതരണം ചെയ്യുക. ക്ലബ്ബിലിരുന്ന് മദ്യം കഴിക്കാന് അനുവദിക്കില്ല.
രാവിലെ 9 മുതല് 5 മണിവരെയായിരിക്കും പ്രവര്ത്തനം. ഒരു സമയം 5 പേര് മാത്രമേ ക്യൂവില് ഉണ്ടാകാന് പാടുള്ളൂ. ക്ലബ് കെട്ടിടത്തിനു പുറത്ത് കോമ്പൗണ്ടിലായിരിക്കും കൗണ്ടറുകള് സജ്ജമാക്കുക.
എന്നാല് മുന്കൂട്ടി ബുക്ക് ചെയ്യുന്ന അംഗങ്ങള്ക്കു മാത്രമേ മദ്യം ലഭിക്കൂ. അബ്കാരി നിയമം അനുസരിച്ച് അനുവദനീയമായ മദ്യം വിതരണം ചെയ്യാം. സര്ക്കാര് നിര്ദ്ദേശങ്ങളും പാലിച്ചിരിക്കണം.
അതേസമയം ബെവ്ക്യു ആപ്പിലെ ബുക്കിങ് ദൂര പരിധി അഞ്ച് കിലോമീറ്ററാക്കി ചുരുക്കി. ആദ്യം ബുക്ക് ചെയ്യുന്നവര്ക്ക് അവരുടെ അഞ്ച് കിലോമീറ്റര് പരിധിയിലുള്ള ഷോപ്പുകളിലെ ടോക്കണ് നല്കും. ഈ ടോക്കണ് തീര്ന്നിട്ടുണ്ടെങ്കില് 10 കിലോമീറ്റര് ചുറ്റളവില് നല്കും. നേരത്തെ മദ്യം ബുക്ക് ചെയ്യുന്ന ആള് നല്കുന്ന പിന്കോഡിന് ഇരുപതു കിലോമീറ്റര് ചുറ്റളവിലുള്ള ഏതെങ്കിലും മദ്യ ശാലയിലേക്കാണ് ടോക്കണ് ലഭ്യമായിരുന്നത്. ഇത് പലര്ക്കും ബുദ്ധിമുട്ടുണ്ടാക്കിയിരുന്നു. ഇതിനെ തുടര്ന്നാണ് അഞ്ച് കിലോമീറ്ററാക്കി ചുരുക്കിയത്.
