തിരുവനന്തപുരം: അടച്ചിട്ട പള്ളികള് ഉടന് തുറക്കാന് അനുവദിക്കണമെന്ന് മുസ്ലിംലീഗ് സംസ്ഥാന ജനറല് സെക്രട്ടറി കെ.പി.എ മജീദ്.സര്ക്കാരുകളുടെ നിര്ദേശങ്ങള് പാലിച്ച് ആരാധനാലയങ്ങള് മാസങ്ങളായി അടച്ചിട്ട് സഹകരിച്ചിട്ടുണ്ട്. ഒരു മാസം നീണ്ട വിശുദ്ധ റമസാനിലും പെരുന്നാള് ദിനത്തിലുമെല്ലാം ആരാധനാലയങ്ങളിലെ പ്രത്യേക പ്രാര്ത്ഥനകള് ഒഴിവാക്കി വിശ്വാസികള് വീടുകളില് പ്രാര്ത്ഥനാനിര്ഭരം ആവുകയായിരുന്നു.
വിദ്യാര്ത്ഥികള്ക്ക് പോലും പുറത്തിറങ്ങാനാവുന്ന രീതിയില് സ്ഥിതിഗതികള് നിയന്ത്രണ വിധേയമായതായി സര്ക്കാര് തന്നെ പറയുന്നു. വിവാഹങ്ങളില് അന്പതു പേരെയും മരണാനന്തര ചടങ്ങില് ഇരുപത് പേരെയും പങ്കെടുപ്പിക്കുന്നതിനും തടസമില്ല. അതിനാല് ലോക്ക്ഡൗണ് നിര്ദേശങ്ങളില് ആരാധനാലയങ്ങള്ക്കും ഇളവ് നല്കി വിശ്വാസി സമൂഹത്തിന്റെ ഒന്നിച്ചുള്ള പ്രാര്ത്ഥനകള്ക്കുള്ള ആവശ്യവും സര്ക്കാര് പരിഗണിക്കണമെന്നും മുസ്ലീം ലീഗ് ആവശ്യപ്പെട്ടു.
വിവാഹം, മരണം തുടങ്ങിയ ചടങ്ങുകളെ പോലെ സാമൂഹ്യ അകലം ഉറപ്പാക്കി ആരാധനാലയങ്ങളിലും പ്രാര്ത്ഥന നടത്തുന്നതിന് ഒരു തടസ്സവുമില്ല. പ്രാര്ത്ഥമന വിശ്വാസികളുടെ വലിയ ആയുധവും ആത്മവിശ്വാസവുമാണ്. വിശ്വാസി സമൂത്തിന്റെ ആഗ്രഹത്തിന് സര്ക്കാര് എതിരു നില്ക്കരുതെന്നും കെ.പി.എ മജീദ് പറഞ്ഞു.
