ലഖ്‌നൗ : ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന് വധ ഭീഷണി. ഉത്തര്‍പ്രദേശ് പോലീസിന്റെ സോഷ്യല്‍ മീഡിയ സെല്ലിലേക്ക് വാട്‌സ്ആപ്പ് വഴിയാണ് സന്ദേശം അയച്ചത്. ബോംബെറിഞ്ഞ് മുഖ്യമന്ത്രി യോഗി ആദിത്യനാഥിനെ വധിക്കുമെന്നായിരുന്നു അജ്ഞാത സന്ദേശം.
വ്യാഴാഴ്ച അര്‍ധരാത്രി 12 മണിക്കാണ് പോലീസിന് ഈ സന്ദേശം ലഭിക്കുന്നത്. 7570000100 എന്ന വാട്‌സ്ആപ്പ് നമ്പറിലേക്കാണ് സന്ദേശം വന്നത്. യുപിയിലെ അഡീഷണല്‍ ഡയറക്ടര്‍ ജനറല്‍ ആയ അസിം അരുണ്‍ സംഭവം സ്ഥിരീകരിച്ചിട്ടുണ്ട്.
യോഗി ആദിത്യനാഥ് മുസ്ലിം വിരുദ്ധനായി പെരുമാറുന്നുവെന്ന് ആരോപിച്ചാണ് സന്ദേശം അയച്ചിരിക്കുന്നത്. ഇയാളെ ഇതുവരെ കണ്ടെത്താനായിട്ടില്ല. ഐപിസി സെക്ഷന്‍ 505(1)(ബി), സെക്ഷന്‍ 506, സെക്ഷന്‍ 507 എന്നിവ പ്രകാരം ഇയാള്‍ക്കെതിരെ കേസെടുത്തിട്ടുണ്ട്.
ഈ മാസം ആദ്യവും യോഗി ആദിത്യനാഥിനു നേരെ വധഭീഷണി മുഴക്കിയിരുന്നു. ബീഹാര്‍ കോണ്‍സ്റ്റബിള്‍ തന്‍വീര്‍ ഖാനാണ് വധ ഭീഷണി മുഴക്കിയത്. സമൂഹമാധ്യമം വഴിയാണ് ഇയാള്‍ യുപി മുഖ്യമന്ത്രിയെ വധിക്കുമെന്ന് ഭീഷണിപ്പെടുത്തിയിരുന്നത്.
പ്രതികരിക്കാൻ ഇവിടെ എഴുതുക: