അഴിയൂര്‍: സാമൂഹ്യ അകലം പാലിക്കല്‍ രേഖകളില്‍ ഒതുങ്ങുന്നു. ചോമ്പാല്‍ ഹാര്‍ബറില്‍ മത്സ്യവില്‍പ്പനക്കായി എത്തുന്നത് നിരവധി പേര്‍. നേരത്തെ ചോമ്പാല്‍ തുറമുഖത്ത് മത്സ്യബന്ധനവും വിതരണവുമടക്കം സാമൂഹ്യ അകലം പാലിക്കാത്തതിനെ തുടര്‍ന്ന് അടച്ചുപൂട്ടുകയായിരുന്നു. സാമൂഹ്യ അകലം പാലിക്കുമെന്ന ഉറപ്പിന്റെ അടിസ്ഥാനത്തില്‍ തുറന്നെങ്കിലും സാമൂഹ്യ അകലം ഇവിടെ പാലിക്കപെടുന്നില്ലെന്ന് ആക്ഷേപമുയരുകയാണ്.
എന്നാല്‍ ഇത് പാലിക്കാന്‍ അഴിയൂര്‍ ഗ്രാമപഞ്ചായത്തോ ബന്ധപ്പെട്ട വകുപ്പുകളോ നടപടി എടുക്കുന്നില്ലെന്ന ആക്ഷേപവുമുണ്ട്. കഴിഞ്ഞ ദിവസങ്ങളില്‍ ജനം കൂടി നില്‍ക്കുന്നത് പോലീസ് കണ്ടെങ്കിലും അവരും സാമൂഹ്യ അകലം പാലിക്കുന്ന കാര്യത്തില്‍ മൗനം പാലിക്കുകയാണ്. തൊഴിലാളി സംഘടനകളുടെ പരാതികളും ഉയരുന്നുണ്ട്.
പ്രതികരിക്കാൻ ഇവിടെ എഴുതുക: